நான் எல்லாரையும் டிஸ்டர்ப் பண்றவன்.. என்னை நீ டிஸ்டர்ப் பண்ணாதே.. செண்ட்ராயனை எச்சரித்த கே. ராஜன்!

படம் தயாரிக்காதீங்க

லோக்கல் சரக்கு படத்தின் இசை மற்றும் டிரைலர் வெளியீட்டு விழா சென்னையில் சமீபத்தில் நடைபெற்றது. அந்த நிகழ்ச்சியில் கலந்து கொண்டு பேசிய தயாரிப்பாளர் கே. ராஜன், இந்த படத்தின் மூலம் தயாரிப்பாளராக மாறியுள்ள இசையமைப்பாளர் வி.ஆர். சுவாமிநாதன் ராஜேஷ் இனிமேல் படம் தயாரிக்கக் கூடாது என பேசியது சர்ச்சையை கிளப்பியது.

குறுக்கிட்ட சென்ட்ராயன்

தயாரிப்பாளர் கே. ராஜன் சர்ச்சையை ஸ்டார்ட் பண்ணிட்டாரு என நினைத்த நடிகர் சென்ட்ராயன் உடனடியாக எழுந்து மேடையில் பேசிக் கொண்டிருந்த அவரிடம் குறுக்கிட்டு பேசிய நிலையில், தயாரிப்பாளர் கே. ராஜன் டென்ஷன் ஆகி விட்டார். நன்றாக சென்று கொண்டிருந்த நிகழ்ச்சி இவர்கள் இருவரும் மேடையில் செய்த ஸ்டன்ட் காரணமாக பிரச்சனை களமாக மாறியது.

கே. ராஜனை மடக்கிய சென்ட்ராயன்

அப்படி சொல்லாதீங்க.. அவரால் தான் இப்போ எங்களுக்கு வேலையே கிடைத்துள்ளது என மேடையில் கே. ராஜனை மடக்கி சென்ட்ராயன் பேசியது பரபரப்பை கிளப்பி உள்ளது. கே. ராஜனை மேடையிலேயே கேள்வி கேட்டுள்ளார் சென்ட்ராயன் சூப்பர் என நெட்டிசன்கள் பாராட்டி வருகின்றனர். ஆனால், அப்போது, சென்ட்ராயனுக்கு ஆதரவாக யாரும் பேசாத நிலையில், கே. ராஜன் அவரை அதட்டி உட்கார வைத்து விட்டார்.

எச்சரித்த கே. ராஜன்

உனக்கு என் அளவுக்கு அனுபவம் இருக்காது. பத்து, பதினைந்து படம் தயாரிச்சிருக்கேன், அந்த வலி எனக்குத் தான் தெரியும்.. நடிகர்கள் எல்லாம் சுகவாசிகள், உங்களுக்கு எங்க பிரச்சனை தெரியாது. உனக்கு மைக் கொடுக்கும் போது, உன் நன்றியை தெரிவிச்சிக்கோ, நான் எல்லோரையும் டிஸ்டர்ப் பண்றவன், என்னை டிஸ்டர்ப் பண்ணாத என எச்சரித்த வீடியோ டிரெண்டாகி சர்ச்சையை கிளப்பி உள்ளது.