நான் நல்லா இருக்கேன் யாரு சொன்ன கதை இதெல்லாம்? கடுப்பான ரவீந்தர்!

செப்டம்பரில் திருமணம்

கடந்த செப்டம்பர் மாதம் 1ந் தேதி திருப்பதியில் ரவீந்தர் மகாலட்சுமிக்கு மிகவும் எளிமையாக திருமணம் நடந்தது. தயாரிப்பாளர் ரவீந்தர் திருமண புகைப்படத்தை இணையத்தில் ஷேர் செய்த பிறகு தான் இவர்களது திருமண விஷயமே வெளியில் தெரிந்தது. இதையடுத்து, இணையமே திணறும் அளவுக்கு இவர்கள் பற்றிய செய்தி பரவியது.

இரண்டு வருட காதல்

இவர்களின் திருமண செய்தி வைரலானதை அடுத்து, இருவரும் யூடியூப் சேனல், செய்தி சேனல், தொலைக்காட்சி என அனைத்துக்கும் வலைத்து வலைத்து பேட்டி கொடுத்து வந்தனர். நாங்கள் திடீரென திருமணம் செய்து கொள்ளவில்லை, இரண்டு வருடமாக காதலித்து வருகிறோம் இதனால் இப்போது திருமணம் செய்துகொள்கிறோம் என்றார்.

விஷமிகள் செய்த வேலை

அது மட்டுமில்லாமல், இன்ஸ்டாகிராம் பக்கத்தில் ஐ லவ்யூ பொண்டாட்டி என்பதும், ஐ லவ் யூ புருஷா என்பதும், முத்தம் கொடுக்கும் போட்டோவையும் பார்த்து கடுப்பாக இருந்த யாரோ ஒரு சில விஷமிகள், இணையத்தில் ரவீந்தர் உடல் நலக்குறைவு காரணமாக மருத்துவமனையில் இருப்பதை செய்தியை பரப்பினர். இதனால், ரசிகர்கள் பலர் பதறிப்போனார்கள்.

நான் நல்லா இருக்கிறேன்

இதற்கு பதிலடி கொடுக்கும் வகையில் தனது மனைவி மகாலட்சுமியுடன் பட்டாசு வெடித்து தல தீபாவளி கொண்டாடிய வீடியோவை ரவீந்தர் தனது இன்ஸ்டாகிராம் பக்கத்தில் வெளியிட்டுள்ளார். நான் நல்லா இருக்கிறேன் யார் சொன்னது நான் மருத்துவமனையில் இருக்கிறேன் என்று கூறியுள்ளார். மேலும், என்ன நேசிக்கிற ஒருத்தி என்ன சுத்தி சுத்தி வர ஒவ்வொரு நாளும் எனக்கு தீபாவளிதான். ஆனா இன்னைக்கு எனக்கு தல தீபாவளி. உங்கள் எல்லோருக்கும் என்னுடைய தீபாவளி நல்வாழ்த்துகள். சந்தோஷமா இருங்க..சந்தோஷமா இருப்போம். என பதிவிட்டுள்ளார்.