முகப்பு

செய்திகள்

சென்னை: ரசிகர்கள் பெரும் ஆவலுடன் எதிர்ப்பார்த்துக் காத்திருக்கும் ரஜினியின் கோச்சடையான் படத்தின் இசை மற்றும் படம் வெளியாகும் தேதி குறித்து உறுதியான தகவல் ஏதும் சொல்லாமல் மவுனம் காத்து வருகிறார்கள் தயாரிப்பாளர்களும் இயக்குநரும்.

பொதுவாக ரஜினி நடிக்கும் படங்கள் குறித்த அறிவிப்புகள் பக்காவாக இருக்கும். இந்தத் தேதியில் படப்பிடிப்பு, இந்தத் தேதியில் ஆடியோ ரிலீஸ்.. ஏதாவது ஒரு விசேஷ தினத்தில் படம் வெளியீடு என்ற திட்டத்தில் மாற்றம் இருக்காது.

கோச்சடையான்

ஆனால் கோச்சடையான் படம் மட்டும் இதில் விலக்காக உள்ளது.

இந்தப் படத்தின் முழுமையான ஸ்டில்கள், ட்ரைலர்கள் என்று கூட இதுவரை வரவில்லை. நான்கைந்து ஸ்டில்கள், அனிமேஷன் ரஜினி நடப்பது போன்ற காட்சி அடங்கிய டீஸர் மற்றும் ஒரு பாடலின் ஆடியோ க்ளிப் போன்றவரை மட்டுமே வெளியாகியுள்ளது.

இவை ரசிகர்களின் எதிர்ப்பார்ப்பைப் பூர்த்தி செய்யும் அளவுக்கு இல்லை என்பது பரவலான பேச்சாக உள்ளது.

இப்படத்தின் இறுதிக்கட்ட பணிகள் முடிவடைந்ததையடுத்து இப்படத்தை வரும் ஜனவரி 10-ந் தேதி இப்படத்தை வெளியிடுவதாக அறிவித்தனர். ஆனால் பின்னர் ரஜினி சொன்னதால், பட ரிலீசை தள்ளி வைத்திருப்பதாக தகவல் வெளியானது.

ஆனால் ஆடியோ ரிலீஸ் இந்த மாதத்தில் இருக்கும் என்று கூறினர். ஆனால் தேதியை இன்னும் அதிகாரப்பூர்வமாக அறிவிக்கவில்லை.

தயாரிப்பாளர் தரப்பிலும், இயக்குநர் சவுந்தர்யா தரப்பிலும் கனத்த மவுனமே நிலவுகிறது. இதுவரை நான்கு முறை படத்தின் வெளியீட்டுத் தேதி மாற்றப்பட்டுள்ளது குறிப்பிடத்தக்கது.