வாகை சூட வா படத்துக்கு எதிராக மாற்றுத் திறனாளிகள் போராட்டம்

By Sudha

| Published: Sunday, October 30, 2011, 14:55 [IST]

விமல், இனியா நடித்து வெளியாகி ஓடி வரும் வாகை சூட வா படத்தில் மாற்றுத் திறனாளிகளை விமர்சனம் செய்து வைக்கப்பட்டுள்ள காட்சிகளைக் கண்டித்து ஸ்ரீவில்லிபுத்தூரில் இன்று தென் மாவட்ட மாற்றுத் திறனாளிகள் நலச் சங்க அறக்கட்டளை சார்பில் கண்டன ஆர்ப்பாட்டம் நடைபெற்றது.

இந்தப் படத்தில் இடம் பெற்றுள்ள காட்சிகளைக் கண்டிக்காமல் நடித்த நடிகர் விமல், இயக்குநர் கே.பாக்கியராஜ் மற்றும் படத் தயாரிப்பாளர் முருகேசன், இயக்குநர் சற்குணம் ஆகியோருக்கும் போராட்டத்தில் ஈடுபட்டவர்கள் கண்டனம் தெரிவித்தனர்.

உடனடியாக இந்தக் காட்சிகளை படத்திலிருந்து நீக்க வேண்டும், மாற்றுத் திறனாளிகள் மனதைப் புண்படுத்தும் வகையில் காட்சிகள் வைத்ததற்காக மன்னிப்பு கேட்க வேண்டும் என்றும் போராட்டக்காரர்கள் கோரிக்கை விடுத்தனர்.

Comments

English summary

Differently abled persons staged a protest demonstration against Vaagai Sooda Vaa movie in Srivilliputhur. They demanded the removal of the scenes about differently abled persons from the movie.

Story first published: Sunday, October 30, 2011, 14:55 [IST]

Other articles published on Oct 30, 2011