அமெரிக்காவில் விஜய்யின் பீஸ்ட் படத்தை முந்திய பொன்னியின் செல்வன்..அடுத்த டார்கெட் விக்ரம் படம்தான்!

சிறப்பான பிரமோஷன்

படத்தின் பிரமோஷனும் மிகச்சிறந்த வகையில் மேற்கொள்ளப்பட்டு வருகிறது. தொடர்ந்து போஸ்டர்கள், ப்ரமோக்கள் என சமூக வலைதளங்களை தெறிக்கவிட்டு வருகிறது படக்குழு. ஒருபுறம் படத்தின் நடிகர், நடிகைகளும் பிரமோஷனல் டூரில் ஈடுபட்டுள்ளனர். சென்னையில் துவங்கிய இந்தப் பயணம் தற்போது டெல்லியில் நிலை கொண்டுள்ளது.

அடுத்தடுத்த வெளியீடுகள்

நடிகர், நடிகைகளின் பேட்டிகள், புகைப்படங்கள் என அனைத்திலும் பிரம்மாண்டம் தெரிகிறது. படம் குறித்த பகிர்வுகள், அனுபவங்களையும் நடிகர்கள் பகிர்ந்து வருகின்றனர். இதுபோன்ற ஒரு வரலாற்று காவியத்தில் நடித்ததற்கும் மணிரத்னம் இயக்கத்தில் இணைந்ததற்கும் அவர்கள் பெருமிதம் தெரிவித்து வருகின்றனர்.

விற்றுத் தீர்க்கும் புக்கிங்குகள்

இதனிடையே படம் ரிலீசுக்கு இன்னும் இரு தினங்களே உள்ள நிலையில், படத்தின் புக்கிங்குகள் துவங்கப்பட்டு அனைத்து இடங்களிலும் விற்று தீர்ந்து வருகின்றன. குறிப்பாக அமெரிக்காவில் முதல் நாள் முதல் ஷோவிற்கான புக்கிங்கில் 30 ஆயிரம் டிக்கெட்டுகள் விற்பனை ஆகியுள்ளன. முதல் வார இறுதியில் இந்த புக்கிங்குகள் எகிறியுள்ளன.

பீஸ்ட் கலெக்ஷனை ஓரங்கட்டிய பொன்னியின் செல்வன்

அமெரிக்காவில் இதுவரை வெளியான தமிழ் படங்களில் முதல் நாள் முதல் ஷோவிற்கான அதிகமாக டிக்கெட்டுகளை விற்று சாதனை புரிந்திருந்த பீஸ்ட் படத்தின் சாதனையை தற்போது பொன்னியின் செல்வன் பீட் செய்துள்ளது. தொடர்ந்து சாதனைப் பட்டியலில் அடுத்த இடத்தில் உள்ள விக்ரம் படத்தின் சாதனையையும் முறியடிக்க முன்னேறி வருகிறது.

ரசிகர்களின் காத்திருப்பு

இதேபோல மலேசியா, ஆஸ்திரேலியா, உள்ளிட்ட நாடுகளிலும் அதிகமான விக்கெட்டுகளை விற்று சாதித்து வருகிறது. மொத்தத்தில் தமிழில் இதுபோன்ற பிரம்மாண்ட படைப்பிற்காகவே ரசிகர்கள் காத்திருந்தது போல இந்த டிக்கெட்டுகள் விற்பனையில் ரசிகர்கள் அதிக ஆர்வம் காட்டி வருகின்றனர்.