தமன்னாவோடு மோதல்... படத்திலிருந்து விலகிய டைரக்டர்!?

நான்கு மொழிகளில்

தெலுங்கு, மலையாளம் ஆகிய மொழிப் படங்களை தெலுங்கு இயக்குனர் நீலகண்டா இயக்குகிறார். தமிழ், கன்னட மொழிப் படங்களை நடிகரும் இயக்குநருமான ரமேஷ் அரவிந்த் இயக்கி வருகிறார்.

தெலுங்கில் நாயகி தமன்னா

தெலுங்கில் தமன்னா கதாநாயகியாகவும், கன்னடத்தில் பருல் யாதவ், தமிழில் காஜல் அகர்வால், மலையாளத்தில் மஞ்சிமா மோகன் ஆகியோர் கதாநாயகியாக கங்கனா ரனாவத் நடித்த வேடத்தில் நடிக்கிறார்கள்.

தமன்னாவுடன் பிரச்னை

இதனிடையே, தெலுங்கு மற்றும் மலையாளப் படங்களை இயக்கி வந்த நீலகண்டா, தெலுங்கு மொழிப் படத்தை இயக்குவதை விட்டு விலகிவிட்டதாக செய்திகள் வெளியாகியுள்ளன. தமன்னாவுடன் ஏற்பட்ட கருத்து வேறுபாடு காரணமாக அவர் தொடர்ந்து இயக்க முடியாது என தெரிவித்ததாகக் கூறப்படுகிறது.

தமன்னா மறுப்பு

இந்த விவகாரம் டோலிவுட்டில் சர்ச்சையைக் கிளப்பியது. ஆனால், தமன்னா, தனக்கும் இயக்குனருக்கும் எந்தப் பிரச்சனையும் இல்லை. அவர் மீது மிகுந்த மரியாதை வைத்துள்ளேன் என்று தெரிவித்துள்ளார். இது தொடர்பாக படக்குழுவினர் இதுவரை எதையும் உறுதிப்படுத்தவில்லை.