Radha Ravi Vs Vishal: விஷாலுடன் பிரச்சனை இருந்தும் அயோக்யா படத்தில் நடித்தது ஏன்?: ராதாரவி

விஷால்

விஷால் படத்தில் ராதாரவியா, அப்படி என்றால் ராசியாகிவிட்டார்களா என்ற கேள்வி எழுந்தது. அதற்கு ஒரு அருமையான பதில் அளித்துள்ளார் ராதாரவி. விஷாலுடன் சேர்ந்து நடித்தது வசதியாகவும்,(?) நல்ல அனுபவமாகவும் இருந்தது என்கிறார் அவர்.

சங்கம்

நடிகர் சங்கம் வேறு, நடிப்பு தொழில் வேறு. இரண்டையும் குழப்பக் கூடாது. படப்பிடிப்பு தளத்தில் நானும், விஷாலும் ஜாலியாக பேசி மகிழ்ந்தோம். அவர் அன்பாக நடந்து கொண்டார். நடிப்பு என் தொழில் என்பதால் இந்த படத்தில் நடித்தேன் என்று ராதாரவி தெரிவித்துள்ளார்.

அயோக்யா

அயோக்யா படத்தில் இப்படி ஒரு கதாபாத்திரம் இருக்கிறது, நீங்கள் நடிக்க வேண்டும் என்று இயக்குநர் தெரிவித்தார். அந்த கதாபாத்திரம் முக்கியத்துவம் வாய்ந்ததாக இருந்ததால் நடித்தேன் என்று ராதாராவி கூறியுள்ளார்.

சமரசம்

நான் நடித்தால் விஷாலுக்கு ஒத்து வருமா என்றெல்லாம் நான் கேட்கவில்லை. படத்தில் நடிக்க அழைத்தார்கள், நடித்தேன் என்கிறார் ராதாரவி. பிரச்சனை வேறு தொழில் வேறு என்பதில் விஷாலும், ராதாரவியும் தெளிவாக உள்ளனர். அதனால் சேர்ந்து நடித்துள்ளனர்.