நடிப்பு ஆசை எட்டிப் பார்க்க... ராதாவும் செட்டைப் பார்க்க... தெறித்து ஓடும் இயக்குநர்கள்!

முன்னாள் நடிகைகள் தங்கள் வாரிசு மகள் அல்லது மகள்களுடன் செட்டுக்கள் வந்து போவதையே தாங்க முடியாது இயக்குநர்களுக்கு. இதில், மீண்டும் மேக்கப் போட வேண்டும் என நச்சரிக்க ஆரம்பித்தால்...?

முன்னாள் கனவுக் கன்னி ராதா மீண்டும் நடிக்க ஆர்வம் காட்டுகிறார்....

-இப்படியொரு செய்தி அண்மைக் காலமாக கோலிவுட்டை பீதிக்குள்ளாக்கியிருக்கிறது.

நடிகைகள் கார்த்திகா- துளசியின் அம்மா என்ற முறையில் ஷூட்டிங் ஸ்பாட்டுகளுக்குப் போய் வரும் ராதாவைப் பார்த்த, அவரது முன்னாள் ரசிகர்கள், 'இன்னும் இளமை மாறாம அப்படியேதான் இருக்கீங்க... இன்னொரு ரவுண்டு வரலாமே' என்று படுபயங்கர பொய்யைச் சொல்லி வைக்க, ஒரு பிரஸ் மீட் வைத்து, நடிக்க ரெடி என அறிவிக்கலாமா? என ஆலோசனை கேட்டு வருகிறாராம்.

அத்துடன் சும்மா சின்ன பட்ஜெட்ல படம் எடுக்கிற சின்னப்பசங்க படமெல்லாம் வேணாம்... கே வி ஆனந்த் மாதிரி இயக்குநர்கள் படங்கள்ல வாய்ப்பு வந்தா, செகன்ட் இன்னிங்ஸை ஸ்டார்ட் பண்ண தோதா இருக்கும் என்று வேறு கூறி வைத்துள்ளாராம்.

என்னது.. கேவி ஆனந்த் சார்... அதுக்குள்ள நார்வே கிளம்பிட்டீங்களா!