முதல் நாள்...முதல் பட சூட்டிங்...மலரும் நினைவுகளை பகிர்ந்த ராதிகா

முதல் பட ஃபோட்டோ

அந்த பதிவில் அவர், கிழக்கே போகும் ரயில் படப்பின் போது முதல் நாள் நான் எடுத்துக் கொண்ட ஃபோட்டோ. அடுத்த படம், கடைசி நாள் சூட்டிங்கின் போது அனைவரும் சேர்ந்து எடுத்துக் கொண்டது. மற்ற ஃபோட்டோக்கள் லிப்ஸ்டிக் கலையாமல் சிரிப்பது போன்று எடுத்த ஃபோட்டோக்கள். இனிமையான நினைவுகள் என தெரிவித்தார்.

சினிமாவை விட்டு விலக நினைத்தேன்

தனது முதல் படத்தில் எவ்வாறு நடிக்க கற்றுக் கொண்டார், பாரதிராஜா எப்படி தன்னை இயக்கினார் எனவும் ராதிகா பல பேட்டிகள் கூறி உள்ளார். முதல் படத்திற்கு பிறகு சினிமாவை விட்டு விலக நினைத்ததாக ராதிகா முந்தைய பேட்டிகளில் ராதிகா தெரிவித்துள்ளார்.

ஹிட் பட நடிகை

கிழக்கே போகும் ரயில் படத்திற்கு பிறகு தமிழ் மற்றும் தெலுங்கில் பேசப்படும் நடிகையாகி விட்டார் ராதிகா. ரசிகர்களின் ஆதரவை பெற்ற நடிகையாகவும் மாறி விட்டார். அடுத்தடுத்த பட வாய்ப்புக்களால் தனது முடிவை மாற்றிக் கொண்ட ராதிகா, பல ஹிட் படங்களில் நடித்தார். ஹிட் பட நடிகையாக 80 களில் முன்னணி நடிகையாக இருந்த ராதிகா, பல விருதுகளையும் வென்றார். 90 களில் பாரதிராஜாவின் கிழக்கு சீமையிலே படத்திற்கு பிறகு புதிய அவதாரம் எடுத்தார் ராதிகா.

சின்னத்திரையில் முத்திரை

பிறகு சின்னத்திரையில் அடியெடுத்து வைத்த ராதிகா, சொந்தமாக தயாரிப்பு நிறுவனத்தை துவக்கினார். சின்னத்திரையில் தயாரிப்பு, நடிப்பு என முத்திரை பதித்த ராதிகா, சித்தி, அண்ணாமலை, செல்லமே, வாணி ராணி என பல புகழ்பெற்ற சீரியல்களில் நடித்தார்.

சீரியல்களுக்கு குட் பை சொன்ன ராதிகா

சமீபத்தில் இனி சீரியல்களில் நடிக்க போவதில்லை என்ற அறிவிப்பை ராதிகா வெளியிட்டார். அத்துடன் தற்போது நடித்துக் கொண்டிருந்த சித்தி 2 சீரியலில் இருந்தும் விலகினார். இருப்பினும் தெலுங்கு படங்கள் பலவற்றில் பிஸியாக நடித்து வருகிறார்.