பதிலுக்குப் பதில்.. ரஜினி வில்லனை பேயை காட்டி மிரட்டப்போகும் ராகவா லாரன்ஸ்!

வெற்றிப்படம்:

முனி படத்தின் வெற்றியை தொடர்ந்து ராகவா லாரன்ஸ் இயக்கிய படம் தான் காஞ்சனா. இந்த படமும் வெற்றியடைந்ததால், காஞ்சனா இரண்டாம் பாகத்தை லாரன்ஸ் இயக்கினார். அதுவும் வெற்றி படமாக அமைந்ததால், தற்போது காஞ்சனா மூன்றாம் பாகத்தை அவர் இயக்கி வருகிறார்.

ரீமேக்:

இந்நிலையில் காஞ்சனா முதல் பாகம் இந்தியில் ரீமேக்காகிறது. இந்த படத்தையும் ராகவா லாரன்ஸ் தான் இயக்குகிறார். படத்தின் ஹீரோவாக அக்ஷய் குமார் நடிக்கிறார். சரத்குமார் வேடத்தில் நடிக்க, பிரபல நடிகர்களிடம் பேச்சுவார்த்தை நடைபெறுகிறது.

ஏப்ரலில் படப்பிடிப்பு:

அதேபோல், படத்தின் முக்கிய கதாபாத்திரங்களில் நடிப்பவர்கள் தேர்வும் நடைபெற்று வருகிறது. இப்படத்தின் படப்பிடிப்பு வரும் ஏப்ரல் மாதம் துவங்க உள்ளது.

கமல் வில்லன் :

பாலிவுட்டில் முன்னணி நடிகராக வலம் வரும் நடிகர் அக்‌ஷய்குமார் தமிழில் 2.0 படத்தில் ரஜினிக்கு வில்லனாக அறிமுகமானவர். இந்தியன் 2 படத்தில் கமலுக்கு வில்லனாக அவரையே நடிக்க வைக்க ஷங்கர் முடிவு செய்திருப்பதாகக் கூறப்படுகிறது. இந்நிலையில் ரஜினியின் தீவிர ரசிகரான ராகவா லாரன்ஸ் தனது காஞ்சனா படத்தில் அக்‌ஷயை நடிக்க வைக்கிறார் என்பது குறிப்பிடத்தக்கது.