தனுஷ் படங்களுக்கு இசையமைக்க ஒப்பந்தமான ரஹ்மான்!

ஏ ஆர் ரஹ்மான் தமிழில் கலக்கிக் கொண்டிருந்த நேரத்தில் தனுஷ் நாயகனாக அறிமுகமானார். அவரது முதல் படத்துக்கு இசை யுவன் சங்கர் ராஜா.

அதன் பிறகு 23 படங்கள் நடித்துவிட்டார். ஆனால் எந்தப் படத்துக்கும் ஏ ஆர் ரஹ்மான் இசையமைக்கவில்லை.

அந்தக் குறை இப்போது தீர்ந்துவிட்டது. தனுஷின் ஒரு படம் அல்ல, இரு படங்களுக்கு இசையமைப்பாளராக ரஹ்மான் ஒப்பந்தமாகியுள்ளார்.

இந்தியில் தனுஷ் நடிக்கும் ரஞ்சானா மற்றும் தமிழில் பரத்பாலா இயக்கத்தில் உருவாகும் மரியான் ஆகிய படங்கள்தான் அவை.

இந்தப் படங்களின் கதையை முழுவதுமாக படித்துப் பார்த்து திருப்தியான பிறகுதான் இசையமைக்க ஒப்புக் கொண்டாராம் ரஹ்மான்.

கடந்த ஆண்டு தமிழில் ஒரு படம் கூட ரஹ்மான் ஒப்புக் கொள்ளவில்லை. இந்த ஆண்டு வரிசையாக நிறைய தமிழ்ப் படங்களை ஒப்புக் கொண்டு வருகிறார்!