Don't Miss!
- Sports SRH vs MI - ஒரே போட்டியில் இத்தனை ரெக்கார்டுகள் உடைப்பா? டி20 போட்டி வரலாற்றிலேயே புதிய சாதனை
- News ஈரோடு எம்பி கணேசமூர்த்தி காலமானார்! கோவை மருத்துவமனையில் சிகிச்சை பலனின்றி உயிர் பிரிந்தது!
- Finance யானைகள் வாழும் காட்டில் எறும்பு ஆட்சி.. வாரன் பஃபெட் ஜீனியஸ் என்பதற்கு இந்த ஒரு விஷயம் போதும்..!
- Automobiles உலகின் பவர்ஃபுல் ஹார்பர் கிரேன் இதுதான்.. எங்கே வேணும்னாலும் நகர்ந்து போகும்.. 300டன்னைகூட அசால்டா தூக்கிரும்!
- Lifestyle Today Rasi Palan 28 March 2024: இன்று இந்த ராசிக்காரர்கள் பெரிய தொகையை கடனாக கொடுப்பதைத் தவிர்க்கவும்...
- Education ஜேஇஇ பிரதானத் தேர்வெழுதும் அரசு பள்ளி மாணவர்களுக்கு சிறப்புப் பயிற்சி
- Technology கட்டண உயர்வு.. தூக்கி வாரிய வோடபோன்.. ரூ.202 ரீசார்ஜ்.. 13 ஓடிடி.. 400 சேனல்கள்.. டிவி டூ மொபைல்.. என்ன வருது!
- Travel புதுச்சேரியில இப்படி ஒரு விஷயமா – ஒரே படகு சவாரியில 8 விதமான கடற்கரைகளுக்கு க்ரூஸ் சுற்றுலா!
ஜோதிகாவிற்கு ஜோடியான ரகுமான்!
ஹவ் ஓல்ட் ஆர் யு தமிழ் ரீமேக் படத்தில் ஜோதிகாவின் கணவராக நடிகர் ரகுமான் நடிக்க உள்ளதாக தகவல்கள் வெளியாகியுள்ளன.
தமிழில் நம்பர் 1 நடிகையாக பிஸியாக நடித்துக் கொண்டிருந்த ஜோதிகா, நடிகர் சூர்யாவை காதல் திருமணம் செய்து கொண்டு சினிமாவை விட்டு விலகினார். இரண்டு குழந்தைகளுக்குத் தாயான பின்னர் தனது கணவருடன் இணைந்து விளம்பரப் படங்களில் நடித்து வருகிறார்.
சினிமாவில் அவர் மீண்டும் நடிக்க வருகிறார் என்று அடிக்கடி செய்திகள் வெளியானாலும் அதை அவர் உறுதி படுத்தவில்லை.
மீண்டும் ஜோதிகா
இந்த நிலையில் ஜோதிகா மீண்டும் நடிக்க வருவதாக அதிகாரப்பூர்வமாக தெரிவிக்கப்பட்டது. மலையாளத்தில் சில மாதங்களுக்கு முன் வெளிவந்து சூப்பர் ஹிட்டாக ஓடிய 'ஹவ் ஓல்ட் ஆர் யு' என்ற படத்தின் தமிழ் ரீமேக்கில் ஜோதிகா நடிக்கப் போகிறார் என அறிவித்தனர். அந்தப் படத்தை சூர்யாவின் சொந்தப் பட நிறுவனமான 2டி எண்டர்டெயின்மென்ட் தயாரிக்க உள்ளது.
சம்மதித்த ரகுமான்
இந்தப் படம் நாயகிக்கு முக்கியத்துவம் உள்ள படம் என்பதால் ஜோதிகாவின் ஜோடியாக நடிக்க வேண்டிய கதாபாத்திரத்திற்காக பல நடிகர்களை அணுகியிருக்கிறார்கள். ஆனால் பல ஹீரோக்கள் நடிக்க தயங்கினார்களாம். கடைசியாக ஜோதிகா ஜோடியாக நடிக்க ரகுமான் நடிக்கப் போவதாக தகவல் வெளியாகியுள்ளது.
தமிழ்பட ஹீரோ
90 களில் தமிழ் சினிமா உலகில் குறிப்பிடத்தக்க நாயகர்களில் ஒருவராக இருந்த ரகுமான் பல தமிழ், மலையாளப் படங்களில் ஹீரோவாக நடித்து உள்ளார்.
சிங்கம் 2 வில்லன்
கடந்த சில வருடங்களாகவே தமிழில் குணச்சித்திரக் கதாபாத்திரங்களிலும், வில்லன் கதாபாத்திரங்களிலும் ரகுமான் நடித்து வருகிறார். சூர்யாவின் சிங்கம் 2 படத்தில் இவரது வில்லன் நடிப்பு ரசிகர்களிடையே பாராட்டினை பெற்றது.
ஜோதிகாவுக்கு ஜோடி
இந்த நிலையில் ஜோதிகாவுடன் ஜோடி சேர்ந்துள்ளார் ரகுமான். இன்னும் பெயரிடப்படாத இந்த படத்தின் சூட்டிங் நவம்பர் 17ம் தேதி துவங்குகிறது.
நவம்பரில் சூட்டிங்
டைரக்டர் ரோஷன் ஆன்ட்ரிவ் இந்த படத்தை இயக்குகிறார். தற்போது அவர் இயக்கும் மலையாள பட வேலைகளில் பிஸியாக இருப்பதால் தான் ஹவ் ஓல்ட் ஆர் யூ படத்தின் ரீமே பணிகளை நவம்பரில் துவங்க உள்ளார்களாம்.
சென்னை டூ ராஜஸ்தான்
தமிழில் ரீமேக் செய்யப்பட உள்ள ஹவ் ஓல்ட் ஆர் யூ படம், துவக்கத்தில் சென்னையிலும் பிறகு டெல்லி மற்றும் ராஜஸ்தானிலும் படமாக்கப்பட உள்ளதாம்.