இசைஞானியுடன் கைகோர்ப்பேன்: ரஹ்மான்இசைஞானி இளையராஜாவுடன் இணைந்து இசையமைக்க வாய்ப்பு வந்தால் கண்டிப்பாக அதைத் தவற விட மாட்டேன்,அதற்காக காத்துக் கொண்டுள்ளேன் என்று இசையமைப்பாளர் ஏ.ஆர்.ரஹ்மான் கூறியுள்ளார்.3 டி இசை நிகழ்ச்சி என்ற புதுமையான நிகழ்ச்சியை உலகெங்கிலும் நடத்தவுள்ளார் ரஹ்மான். இந் நிகழ்ச்சியைக் காணவருபவர்கள் 3 டி கண்ணாடி அணிந்து கொண்டு தான் நிகழ்ச்சியைப் பார்க்க வேண்டும்.நிகழ்ச்சி நடக்கும் திறந்த வெளி மேடையில் லேசர் பீம்கள் உதவியுடன் 3 டி பரிமாணங்களை உருவாக்கி ஹை-டெக்காக இந்நிகழ்ச்சிகள் நடக்கவுள்ளன. முதல் நிகழ்ச்சி பெங்களூரில் அக்டோபர் 8ம் தேதி நடக்கிறது.இந்த நிகழ்ச்சி தொடர்பாக பெங்களூரில் நடந்த பிரஸ்மீட்டில் ஏ.ஆர்.ரஹ்மான் கலந்து கொண்டார். அவர் கூறுகையில், இந்த 3டி நிகழ்ச்சி மிக அருமையாக இருக்கும், மிகவும் வித்தியாசமாகவும் இருக்கும். செவிகளுக்கு மட்டுமல்லாது கண்களுக்கும்விருந்தளிக்கும் வகையில் அமையும். தற்போது அன்பே ஆருயிரே, காட்பாதர், ஜில்லென்று ஒரு காதல் என தமிழ்ப் படங்களுக்கு இசையமைத்து வருகிறேன். நரேஷ்ஐயர் என்ற புதிய பாடகரை அறிமுகப்படுத்தியுள்ளேன்.இளையராஜாவின் திருவாசகம் கேட்டேன். மிகவும் அருமையான ஒர்க். ரொம்பவும் பாராட்ட வேண்டிய பணி. அந்த இசைகேட்ட நான் மயங்கினேன். அவர் நிச்சயமாக ஒரு ஞானி.அவரது பல பாடல்கள் எனக்குப் பிடிக்கும். என்றாலும், ஜானி படத்தில் வரும் காற்றில் எந்தன் கீதம் பாடலை எப்போதுகேட்டாலும் என்னை மறந்து விடுவேன்.இளையராஜாவும், மெல்லிசை மன்னர் எம்.எஸ்.விஸ்வநாதனும் இணைந்து பல படங்களுக்கு இசையமைத்துள்ளனர்.அதேபோல நானும், ராஜாவும் சேர்ந்து இசையமைக்கும் வாய்ப்பு வந்தால் நிச்சயம் செய்வேன். அதற்காக தயாராக காத்துக்கொண்டுள்ளேன் என்றார் ரஹ்மான்.