மீண்டும் சேரும் ராஜா ராணி கூட்டணி!

By Shankar

Published: Monday, September 30, 2013, 11:18 [IST]

ஆர்யா - நயன்தாரா நடித்த ராஜா ராணி படம் சமீபத்தில் வெளியாகியுள்ள நிலையில், அந்தப் படத்தை இயக்கிய அட்லியை வைத்து மீண்டும் படம் தயாரிக்கிறார் இயக்குநர் ஏஆர் முருகதாஸ்.

ராஜா ராணி குறித்து பாஸிடிவ் விமர்சனங்கள் வரத் தொடங்கியுள்ளன. கிராமம் சார்ந்த திரையரங்குகளில் பெரிய வரவேற்பில்லாவிட்டாலும், மல்டிப்ளெக்ஸ் மற்றும் நகர்ப்புற பகுதிகளில் இந்தப் படம் பரவாயில்லை எனும் அளவுக்குப் போகிறது.

திரையுலகைச் சேர்ந்த பல பிரபலங்களும் படத்தை பார்த்துவிட்டு இயக்குனர் அட்லிக்கு பாராட்டுக்கள் தெரிவித்துள்ளார்கள். இப்படத்தை தி நெக்ஸ்ட் பிக் பிலிம் நிறுவனத்துடன் இணைந்து ஏ.ஆர்.முருகதாஸ் தயாரித்து இருந்தார். இந்நிலையில், இந்நிறுவனத்துடன் இணைந்து அட்லி மீண்டும் ஒரு படத்தை இயக்க ஒப்பந்தம் ஆகியுள்ளார்.

இப்படத்திற்கும் ஜீ.வி.பிரகாஷே இசையமைக்கிறார், ஜார்ஜ் சி.வில்லியம்ஸ் ஒளிப்பதிவு செய்கிறார்.

நடிகர், நடிகைகள் இன்னும் தேர்வு செய்யப்படவில்லை. ஆனால் சத்யராஜ் மட்டும் நிச்சயம் இருப்பார் என்று தெரிவித்துள்ளார் இயக்குநர் அட்லி.