Don't Miss!
- News நான் அமைதியானவன், அடக்கமானவன், நீதிமன்றத்தை மதிப்பவன்.. காப்பிரைட்ஸ் வழக்கில் இளையராஜா வாதம்
- Finance பனமழை கொட்டும்.. அதிக லாபம் தரும் டாப் 10 முதலீட்டு திட்டங்கள்.. அடடா இவ்வளவு லாபமா!
- Sports T20 WC 2024: நானும், கோலியும் தொடக்க வீரர்களா? யாரு இப்படி சொல்றாங்க.. ரோகித் சர்மா ஓபன் டாக்!
- Lifestyle இந்த 4 ராசிக்காரங்க எப்போதும் மற்றவர்களுக்கு ரகசியமாக உதவும் பாதுகாப்பு தேவதைகளாக இருப்பார்களாம்...!
- Technology எப்படி புதுசு புதுசா யோசிக்கிறாங்க.. Zomato அறிமுகம் செய்த புதிய சேவை.. என்ன தெரியுமா?
- Automobiles ஐபிஎல்-இல் வேண்டுமாயின் கதை வேறயாக இருக்கலாம்!! இந்த விஷயத்தில் சென்னையை விட பெங்களூர் தான் டாப்!
- Education சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி
- Travel தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
ஆஸ்கர் விருதுகள் 2023 : சிறந்த திரைப்பட பிரிவில் தேர்வாகாத ஆர்ஆர்ஆர்!
சென்னை : கடந்த 2001ம் ஆண்டில் அமீர்கானின் லகான் படம் ஆஸ்கர் பரிந்துரை பட்டியலில் தேர்வானது.
இதனிடையே சுமார் 22 ஆண்டுகள் கழித்து தற்போது ராஜமௌலி இயக்கத்தில் சூப்பர் டூப்பர் ஹிட்டடித்த ஆர்ஆர்ஆர் படம் ஆஸ்கர் விருதுக்காக இரு பிரிவுகளில் தேர்வாகியுள்ளது.
இந்தப் படத்தின் நாட்டு நாட்டு பாடல் சிறந்த இசை மற்றும் சிறந்த பாடல் என இரண்டு பிரிவுகளில் ஆஸ்கர் விருதுகளுக்காக தேர்வாகியுள்ளது.
ஆஸ்கர் ரேஸில் ஆர்ஆர்ஆர்..பரிந்துரை பட்டியலில் 2 பிரிவில் தேர்வானது நாட்டு நாட்டு பாடல் !.
ஆர்ஆர்ஆர் படம்
இயக்குநர் ராஜமௌலி இயக்கத்தில் கடந்த ஆண்டில் வெளியானது ஆர்ஆர்ஆர் படம். இந்தப் படத்தில் ராம்சரண், ஜூனியர் என்டிஆர், ஆலியா பட், சமுத்திர கனி, அஜய் தேவ்கன் உள்ளிட்டவர்கள் முக்கியமான கேரக்டர்களில் நடித்திருந்தனர். சர்வதேச அளவில் வெளியான இந்தப் படம் 1000க்கும் மேற்பட்ட கோடிகளை வசூலித்து சாதித்தது.
இயக்குநர் ராஜமௌலி
சுதந்திர காலகட்டத்தை கண்முன்னே கொண்டு வந்திருந்தது ஆர்ஆர்ஆர் படம். இந்தப் படத்தின்மூலம் சுதந்திர காலகட்டத்தை சிறப்பாக பிரதிபலித்திருந்தார் ராஜமௌலி. ஒவ்வொரு நடிகர்களும் தங்களுக்கு கொடுக்கப்பட்ட வாய்ப்பை சிறப்பாக பயன்படுத்தியிருந்தனர்.
வரவேற்பை பெற்ற நாட்டு நாட்டு பாடல்
இந்தப் படத்தின் இசையமைப்பை பிரபல தெலுங்குப்பட இசையமைப்பாளர் கீரவாணி மேற்கொண்டிருந்த நிலையில், அனைத்து பாடல்களும் ரசிகர்களை வெகுவாக கவர்ந்திருந்தன. குறிப்பாக ராம்சரண் மற்றும் ஜூனியர் என்டிஆர் பங்கு பெற்றிருந்த நாட்டு நாட்டு பாடல் சர்வதேச அளவில் அனைவரையும் கவர்ந்திருந்தது.
ஆஸ்கர் விருதுக்கு தேர்வு
இந்நிலையில் இந்தப் பாடல் தற்போது சிறந்த இசை மற்றும் சிறந்த பாடல் பிரிவில் ஆஸ்கர் விருதுக்கு தேர்வாகியுள்ளது. ஆனால் சிறந்த திரைப்பட பிரிவில் ஆர்ஆர்ஆர் தேர்வாகவில்லை. இதனால் இந்திய ரசிகர்கள் ஏமாற்றம் அடைந்துள்ளனர். இந்த பிரிவில் அவதார் 2, டாப் கன் மேவரிக் மற்றும் எல்விஸ் படங்கள் தேர்வாகியுள்ளன.
சர்வதேச அங்கீகாரம்
இதனிடையே, ஆஸ்கர் பரிந்துரை பட்டியலில் தேர்வான முதல் இந்திய பாடல் என்ற பெருமையை நாட்டு நாட்டு பாடல் பெற்றுள்ளது. இதையடுத்து இந்திய ரசிகர்கள் இந்தப் பாடலை கொண்டாடி வருகின்றனர். இந்திய திரைப்படங்களுக்கான அங்கீகாரத்தை சர்வதேச அரங்கில் தற்போது ஆர்ஆர்ஆர் பெற்றுத் தந்துள்ளது.