கமல் ஹாஸனுக்கு ராஜராஜ சோழனின் போர்வாள் குழு வாழ்த்து

பத்மபூஷண் விருது பெறவிருக்கும் நடிகர் கமல் ஹாஸனுக்கு மாலை அணிவித்து வாழ்த்து தெரிவித்தனர் ராஜராஜ சோழனின் போர்வாள் படக் குழுவினர்.

தமிழ் சினிமாவின் பெருமைகளில் ஒன்றாகப் பார்க்கப்படுபவர் கமல் ஹாஸன். விருதுகள் அவருக்குப் புதிதல்ல.

இந்த ஆண்டு அவருக்கு பத்மபூஷண் விருது அறிவிக்கப்பட்டதுமே, கோடம்பாக்கமே கமலுக்கு வாழ்த்து மழை பொழிந்து கொண்டிருக்கிறது.

சினேகன் நடிக்கும் ராஜராஜ சோழனின் போர்வாள் என்ற படக் குழு கமலை அவரது அலுவலகத்தில் நேரில் சந்தித்து மாலை அணிவித்து வாழ்த்து தெரிவித்தது.

படத்தின் நாயகன் பாடலாசிரியர் சினேகன், இயக்குநர் ஆர் எஸ் அமுதேஸ்வர் ஆகியோர் கமலுக்கு மாலை அணிவித்து தங்கள் வாழ்த்துகளைத் தெரிவித்தனர்.

கமல் அவர்களுக்கு நன்றி தெரிவித்தார்.