Don't Miss!
- Technology இப்படியொரு புரொஜெக்டர் யாரும் பார்த்ததில்லை.. 32GB மெமரி.. 1080P ரெசல்யூஷன்.. எந்த மாடல்? என்ன விலை?
- Lifestyle தினமும் 10 பவுன் தங்கத்தை தூசியாக உமிழும் அதிசய எரிமலை... இந்த எரிமலையா இல்ல தங்கச்சுரங்கமானே தெரிலயே...!
- News இதுக்கு எதுக்கு தட்கலில் டிக்கெட் புக் பண்ண வேண்டும்? ஏசி 2ம் வகுப்பு பெட்டியிலேயே இதுதான் நிலைமை
- Automobiles ஹெல்மெட் போடாமல் பைக்கில் போன விஜய் சேதுபதி! ஓட்டு போட வந்த இடத்தில் மானமே போச்சு!
- Travel சென்னையிலிருந்து சம்மர் ஸ்பெஷல் வந்தே பாரத் ரயில்கள் – திருச்சி, மதுரை, நாகர்கோவில்!
- Finance பருவநிலை மாற்றத்தால் உலகமே வறுமையில் வாடப் போகிறது – எச்சரிக்கும் ஆய்வறிக்கை
- Sports "மும்பை சூப்பர் கிங்ஸ்"னு பேரை மாத்திக்கலாம்.. சென்னை சூப்பர் கிங்ஸ் அணியில் மும்பை ஆக்கிரமிப்பு
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
ராஜீவ் மேனன் இயக்கத்தில் 'சர்வம் தாளமயம்' - மருமகனுக்கு இசையமைக்கும் இசைப்புயல்!
சென்னை : ராஜீவ் மேனன் இயக்கத்தில் ஜி.வி.பிரகாஷ் நாயகனாக நடிக்கும் 'சர்வம் தாளமயம்' படத்தின் ஷூட்டிங் நேற்று தொடங்கியுள்ளது. இந்தப் படத்திற்கு ஏ.ஆர்.ரஹ்மான் இசையமைக்கிறார்.
இப்படத்தின் ஃபர்ஸ்ட் லுக் போஸ்டர் நேற்று வெளியானது. இந்த போஸ்டரில் ஜி.வி.பிரகாஷ் வாத்தியக் கருவியுடன் அந்தரத்தில் பறக்கிறார். இந்த போஸ்டர் சமூக வலைதளங்களில் வைரலாகி வருகிறது.
தொடர்ச்சியாகப் பல படங்களில் நடித்துவரும் ஜி.வி.பிரகாஷ் இந்தப் படத்தில் இசைக் கலைஞராக நடித்திருக்கிறார். இவருக்கு ஜோடியாக அபர்ணா பாலமுரளி நடிக்கிறார்.
ஜி.வி.பிரகாஷ்
ஜி.வி.பிரகாஷ் நடிப்பில் தற்போது 'அடங்காதே', '4ஜி', 'ஐங்கரன்', 'குப்பத்து ராஜா', '100% காதல்', 'நாச்சியார்' ஆகிய படங்கள் உருவாகி வருகின்றன. இதைத் தொடர்ந்து ராஜீவ் மேனன் இயக்கும் 'சர்வம் தாளமயம்' படத்தில் நாயகனாக நடிக்கிறார் ஜி.வி.பிரகாஷ்.
|
ராஜீவ் மேனன் படம்
'மின்சாரக் கனவு' மற்றும் 'கண்டுகொண்டேன் கண்டுகொண்டேன்' ஆகிய படங்களைத் தொடர்ந்து ராஜீவ் மேனன் இயக்கும் 3-வது படம் இது என்பது குறிப்பிடத்தக்கது. இந்தப் படத்தில் ஒளிப்பதிவாளராக ரவி யாதவ் பணியாற்றுகிறார். ஆண்டனி எடிட்டராகப் பணியாற்றுகிறார். லதா இப்படத்தைத் தயாரிக்க இருக்கிறார்.
ஜி.வி.பிரகாஷ்
இதில் ட்ரம்ஸ் வாத்தியக் கலைஞராக நடிக்கிறார் ஜி.வி.பிரகாஷ். இதற்காக மிருதங்கம் உள்ளிட்ட வாத்தியக் கருவிகளில் பிரத்யேக பயிற்சி எடுத்து வருகிறார் ஜி.வி.பிரகாஷ். படத்தின் ஃபர்ஸ்ட் லுக் போஸ்டரில் வாத்தியக் கருவியுடன் அந்தரத்தில் பறக்கிறார் ஜி.வி.பி.
ஏ.ஆர்.ரஹ்மான் இசை
படத்தின் டைட்டிலுக்கு ஏற்ற விதத்தில் 9 பாடல்கள் உள்ள இப்படத்துக்கு ஏ.ஆர்.ரஹ்மான் இசையமைக்கிறார். ஏ.ஆர்.ரஹ்மானுக்கு ஜி.வி.பிரகாஷ் மருமகன் என்றாலும் இருவரும் இணைந்து பணியாற்றுவது இதுவே முதல் முறை.
ஹீரோயின்
இப்படத்தில் ஜி.வி.பிரகாஷுடன் சாய் பல்லவி நடிக்க ஒப்பந்தமானதாகச் சொல்லப்பட்டது. ஆனால், சாய் பல்லவிக்குப் பதிலாக அபர்ணா பாலமுரளி நடிக்க ஒப்பந்தமாகி இருக்கிறார். இந்நிலையில் இப்படத்தின் ஃபர்ஸ்ட் லுக் இன்று வெளியிடப்பட்டது.
நா.முத்துக்குமார்
இந்தப் படத்திற்கு மதன் கார்க்கி, நா.முத்துக்குமார், அருண்ராஜா காமராஜ் ஆகியோர் பாடல்களை எழுதியிருக்கிறார்கள். நா.முத்துக்குமாரின் மறைவுக்கு ஒரு வாரத்திற்கு முன்பே இயக்குநர் ஒரு பாடலை எழுது வாங்கிவிட்டாராம். இதுதான் அவர் எழுதிய கடைசி பாடல் எனக் கூறப்படுகிறது.