Click it and Unblock the Notifications
பிரபல தெலுங்கு நடிகர் ராஜோந்திர பிரசாத் மருத்துவமனையில் அனுமதி
தெலுங்கில் லேடீஸ் டைலர், எர்ர மந்தாரம் உள்பட 200 படங்களில் நடித்தவர் ராஜேந்திர பிரசாத். இவர் சமீபத்தில் தமிழ், தெலுங்கு, இந்தியில் வெளியான குயிக்கன் முருகன் படத்தில் நடித்தவர். இதில் அவருக்கு ரம்பா ஜோடியாக நடித்தார்.
தெலுங்கு படங்களில் இப்போது காமெடி வேடங்களிலும் நடித்து வருகிறார்.
ராஜேந்திர பிரசாத்துக்கு சில தினங்களுக்கு முன் திடீரென நெஞ்சு வலி ஏற்பட்டது. உடனடியாக அவரை அங்குள்ள கேர் மருத்துவமனையில் சேர்த்தனர். அவசர சிகிச்சை பிரிவில் வைத்து டாக்டர்கள் தீவிர சிகிச்சை அளித்து வருகின்றனர்.
அவருக்கு லேசான அறுவை சிகிச்சையும் செய்யப்பட்டது. தகவல் அறிந்ததும் ஏராளமான தெலுங்கு நடிகர்கள் மருத்துவமனைக்குச் சென்று உடல் நலம் விசாரித்தனர்.
உடல் நலம் தேறுகிறது
56 வயதான ராஜேந்திர பிரசாத்துக்கு இப்போது உடல் நலம் தேறி வருகிறது. அவரது மனைவி மற்றும் மகள்கள் உடனிருந்து பார்த்துக் கொள்கின்றனர்.
Continue with Google