பிரமாண்ட அரங்கில் ரஜினி - எமி பாடல் காட்சி... ஆகஸ்டில் படப்பிடிப்பு!

By Shankar

Published: Saturday, July 22, 2017, 18:18 [IST]

ரஜினியின் அடுத்த வெளியீடான 2.ஓ படத்துக்கு இன்னும் ஒரே ஒரு பாடல் காட்சி படமாக்கப்பட வேண்டியுள்ளது. இந்தப் பாடலை சென்னையில் பிரமாண்ட அரங்கில் படமாக்கவிருக்கிறார் இயக்குநர் ஷங்கர்.

ரஞ்சித் இயக்கத்தில் 'காலா' படத்தில் இப்போது நடித்துவரும் ரஜினி, விரைவில் இரண்டாம் கட்டப் படப்பிடிப்பை முடிக்கிறார்.

அதன் பின்னர் அவர் தன் தாடி கெட்டப்பை கலைத்துவிட்டு இளமை லுக்குக்கு மாறுகிறார். காலாவில் அவருக்கு இளமை தோற்றம் உள்ளது.

எமி ஜாக்ஸனுடன்

அதே நேரம் '2.0' படத்துக்காக ஒரு பாடல் காட்சியில் அவர் எமி ஜாக்ஸனுடன் நடனம் ஆடுகிறார். காலாவின் அடுத்த கட்ட படப்பிடிப்பு தொடங்குவதற்குள் இந்தப் பாடல் காட்சியை ரஜினி முடிக்கிறார்.