40 ஆண்டுகளுக்குப் பின்.. மீண்டும் ஒரே படத்தில் ரஜினி-கமல்.. கேட்கும்போதே சும்மா அனல் பறக்குதே!

கமல் படங்கள்

மற்றொருபுறம் ஷங்கர் இயக்கத்தில் இந்தியன் 2 படத்தில் பிஸியாக நடித்து வருகிறார் கமல். இந்த படத்தை தொடர்ந்து தலைவன் இருக்கிறான் எனும் படத்தில் அவர் நடிக்கிறார். அந்த படத்திற்கு பிறகு முழு நேர அரசியலில் கமல் ஈடுபட உள்ளார்.

சிறுத்தை சிவா

அதேசமயம் சிவா இயக்கும் படத்திற்கு பிறகும் சினிமாவில் நடிப்பேன் என ஏற்கனவே ஒரு பேட்டியில் சொல்லியிருந்தார் ரஜினி. அதன்படி அவரது அடுத்த படத்தை லோகேஷ் கனகராஜ் இயக்க உள்ளதாக தகவல் வெளியாக உள்ளது.

மீண்டும் ரஜினி - கமல்

இந்த படத்தில் தான் ரஜினியும் கமலும் இணைய உள்ளதாக கூறப்படுகிறது. அதாவது இந்த படத்தை தயாரிக்கப் போவது கமலின் ராஜ்கமல் பிலிம்ஸ் இண்டர்நேஷனல் என தகவல் வெளியாகியுள்ளது. இதில் கெஸ்ட் ரோலில் கமல் நடிக்கிறார் என்றும் பேசப்படுகிறது.

கமலின் உங்கள் நான்

கடந்த சில தினங்களுக்கு முன்னர் கமல் பிறந்தநாளையொட்டி நடந்த உங்கள் நான் நிகழ்ச்சியில், ரஜினி கலந்துகொண்டு கமலை வாழ்த்தினார். இருவரும் ஒன்றாக இணைந்து அரசியலில் பயணிக்கப் போவதாக ஒரு பேச்சு இருக்கிறது.

ரசிகர்கள் மகிழ்ச்சி

இந்த சூழலில் கமலும், ரஜினியும் மீண்டும் திரைப்படத்தில் இணைய உள்ளது ரசிகர்களுக்கு பெரும் மகிழ்ச்சியை ஏற்படுத்தியுள்ளது. ஆரம்பகாலத்தில் ரஜினியும், கமலும் இணைந்து பல படங்களில் நடித்தனர் என்பது குறிப்பிடத்தக்கது.