Don't Miss!
- News "ஒழுங்கா சொத்தை பிரிச்சு கொடு.." தந்தையை மிக கொடூரமாக தாக்கிய மகன்.. பதைபதைக்க வைக்கும் சம்பவம்
- Automobiles டிவிஎஸ் அப்பாச்சி பைக்குகள் ஓரங்கட்ட படுகிறதா? சேல்ஸ் குறைஞ்சிக்கிட்டே வருது... பஜாஜ் ஹாப்பி!!
- Sports வாழ்க்கைன்னா ஒரு சில அடிகள் விழத்தான் செய்யும்.. எல்லா போட்டியிலும் வெல்ல முடியாது.. பாட் கம்மின்ஸ்
- Lifestyle 100 ஆண்டுகளுக்கு பின் உருவாகியுள்ள திரிகிரக யோகம்: அடுத்த 5 நாட்கள் இந்த 3 ராசிக்கு அதிர்ஷ்டமா இருக்கும்..
- Technology BSNL தான்யா டாப்பு.. Jio-வுக்கும் Airtel-லுக்கும் ஆப்பு.. 200 ரூபாய்க்குள் 70 நாள் வேலிடிட்டி.. எந்த திட்டம்?
- Finance 6 மாதங்களில் 73% வளர்ச்சி.. ஜியோ ஃபைனான்சியல் சர்வீசஸ் பங்குகள் அள்ளிக் கொடுத்த லாபம்..!
- Travel இந்தியாவில் உள்ள புனிதமான காடுகள் – வாழ்வில் ஒரு முறையேனும் இந்த காடுகளுக்கு செல்ல வேண்டும்!
- Education சென்னை ஏர்போர்ட்டில் பணிபுரிய ஆசையா...!
கொடுத்த வாக்கை காப்பாற்றிய ரஜினி.. கலைஞானத்திற்கு வீடு வாங்கி கொடுத்து குத்துவிளக்கும் ஏற்றிவிட்டார்
தயாரிப்பாளர் கலைஞானத்திற்கு வீடு வாங்கி கொடுத்து, அந்த வீட்டிற்கு நேரில் சென்று குத்து விளக்கேற்றி வைத்தும் இருக்கிறார் நடிகர் ரஜினிகாந்த்.
Recommended Video
சென்னை: தான் சொன்னபடியே தயாரிப்பாளர் கலைஞானத்திற்கு வீடு வாங்கி கொடுத்துள்ளார் நடிகர் ரஜினிகாந்த்.
இயக்குனர் கே.பாலசந்தரால் சினிமாவில் அறிமுகமானவர் நடிகர் ரஜினிகாந்த். ஆரம்பத்தில் சின்ன சின்ன வேடங்களிலும், பிறகு வில்லனாகவும் நடித்து வந்தார் ரஜினி.
அவரை ஹீரோவாக வைத்து படம் தயாரித்தவர் கலைஞானம். அதுமட்டுமல்லாமல் ரஜினிக்கு சூப்பர் ஸ்டார் பட்டத்தை தந்தவரும் அவர் தான்.
நஷ்டத்தில் கலைஞானம்
தேவர் பிலிம்ஸ் கம்பெனியில் வேலை பார்த்து, பிறகு தயாரிப்பாளரான கலைஞானம் எழுத்தாளர், வசனகர்த்தா என பல திறமைகளை கொண்டவர். ஆரம்பத்தில் வெற்றிப் படங்களை கொடுத்த அவர், பிறகு ஏற்பட்ட தோல்விகளால் பெரும் நஷ்டத்தை சந்தித்தார்.
பாராட்டு விழா
இந்நிலையில் கடந்த சில மாதங்களுக்கு முன்னர் கலைஞானத்திற்கு பாராட்டு விழா எடுத்தார் இயக்குனர் பாரதிராஜா. இதில் ரஜினி உள்ளிட்ட பலர் கலந்துகொண்டனர். விழாவில் பேசியவர்கள், கலைஞானம் சொந்த வீடு இல்லாமல் கஷ்டப்படுவதாகவும், அரசு அவருக்கு ஒரு வீடு வழங்க வேண்டும் என்றும் கேட்டுக்கொண்டனர்.
ரஜினி அறிவிப்பு
பின்னர் பேசிய ரஜினிகாந்த், கலைஞானத்திற்கு தனது சொந்த செலவில் வீடு வாங்கி தர தயார் என மேடையிலேயே அறிவித்தார். கலைஞானம் தனக்கு பிடித்த மாதிரி வீட்டை தேர்வு செய்த பின்னர், அதற்கான பணத்தை தான் கொடுத்துவிடுவதாக ரஜினி கூறினார்.
சொன்ன வார்த்தையை காப்பாற்றினார்
சொன்னபடியே கலைஞானத்திற்கு தற்போது வீடு வாங்கி கொடுத்துள்ளார் ரஜினிகாந்த். விருகம்பாக்கத்தில் 1,320 சதுர அடியில் 3 படுக்கையறைகளுடன் கூடிய வீடு கலைஞானத்திற்காக முடிவு செய்யப்பட்டது. `ரஜினி வீட்டுக்கு வந்து குத்துவிளக்கேற்றி வைத்தால் நன்றாக இருக்கும்' என கலைஞானம் பிரியப்பட்டார்.
குத்துவிளக்கேற்றினார்
இதையடுத்து இன்று காலை ரஜினி அந்த வீட்டிற்கு சென்று, குத்துவிளக்கேற்றி வைத்தார். அப்போது கலைஞானம் மற்றம் அவரது குடும்பத்தினர் ரஜினிக்கு நன்றி தெரிவித்தனர். கலைஞானத்திற்கு பாபா படம் ஒன்றையும் ரஜினி பரிசளித்தார். "நான் சொல்வதை தான் செய்வேன், செய்வதை தான் சொல்வேன்", என ரஜினி ஒரு படத்தில் பஞ்ச் டயலாக் பேசுவார். அது நிஜ வாழ்க்கையிலும் உண்மை என நிரூபித்துள்ளார் அவர்.