Don't Miss!
- News ஜனநாயக கடமை ஆற்ற முதல் ஆளாக வந்த நடிகர் அஜித்.. 30 நிமிடம் முன்பே வந்து காத்திருந்து ஓட்டு போட்டார்!
- Technology யாரு சாமி நீ.. UPI.. யூடியூப்.. சிங்கிள் சார்ஜில் 6 நாட்கள் பேட்டரி.. புதிய 4ஜி போன் அறிமுகம்.. எந்த மாடல்?
- Sports தம்பி! உனக்கு இது தான் கடைசி வாய்ப்பு.. ரூ.14 கோடி வீரருக்கு நெருக்கடி.. காத்திருக்கும் ஆல்ரவுண்டர்
- Automobiles உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா?
- Lifestyle Today Rasi Palan 19 April 2024: இன்று இந்த ராசிக்காரர்கள் நிலுவையிலுள்ள பணிகளை முடிக்க முயற்சிப்பது நல்லது...
- Finance ரோஜா பூவும், பிரியாணியும் மணக்குதே.. செலவும் பிச்சுக்குதே..!!
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
லிங்கா 100.... ஆல்பர்ட் தியேட்டரில் ரசிகர்கள் கோலாகல கொண்டாட்டம் பாரு!
'லிங்கா' படத்தின் 100-வது நாள் விழா சென்னை ‘ஆல்பட்' தியேட்டரில் கோலாகலமாகக் கொண்டாடப்பட்டது. ஆயிரக்கணக்கான ரசிகர்கள் திரண்டுவந்ததால் அந்தப் பகுதியே திருவிழாக் கோலம் பூண்டது.
‘லிங்கா' படம் கடந்த டிசம்பர் மாதம் 12-ம் தேதி ரஜினி பிறந்த நாளில் பிரமாண்டமாக ரிலீசானது. ரஜினி இரு வேடங்களில் நடித்திருந்தார். நாயகிகளாக அனுஷ்கா, சோனாக்ஷி சின்ஹா நடித்தனர்.
ரூ 108 கோடி
இப்படம் தமிழகம், வெளி மாநிலங்கள் மற்றும் வெளிநாடுகளில் 3000 க்கும் அதிகமான திரையரங்குகளில் திரையிடப்பட்டது.
முதல் மூன்று நாட்களில் ரூ 108 கோடியைக் குவித்து புதிய சாதனைப் படைத்தது இந்தப் படம்.
எதிர்ப் பிரச்சாரம்
ஆனால் படம் வெளியான மூன்றாம் நாளிலிருந்தே படத்துக்கு எதிரான பிரச்சாரத்தை திட்டமிட்டு செய்தனர் சிலர். படத்தின் விநியோகஸ்தர்கள் என்று கூறிக் கொண்டே இந்த பிரச்சாரத்தை செய்தனர் அவர்கள். இது படத்தின் ஓட்டத்தைப் பெரிதும் பாதித்தது.
100 நாட்கள்
ஆனாலும், சென்னையில் ‘லிங்கா' படம் சென்னை ஆல்பட், அபிராமி, தேவி போன்ற அரங்குகளில் 100 நாட்கள் ஓடியது.
ஆல்பர்ட் தியேட்டரில் 100-வது நாள் வெற்றி விழாவுக்கு நேற்று மாலை ஏற்பாடு செய்யப்பட்டது.
கட் அவுட், பாலாபிஷேகம்
தியேட்டர் முன் ரஜினி கட் அவுட்கள் வைக்கப்பட்டு இருந்தன. கொடி தோரணங்களும் கட்டப்பட்டிருந்தன. தியேட்டரில் ஆயிரக்கணக்கான ரசிகர்கள் திரண்டனர். ரஜினி உருவம் பொறித்த கொடிகளையும் கையில் வைத்து இருந்தார்கள்.
பட்டாசு- இனிப்பு
பட்டாசுகள் வெடிக்கபபட்டன. இனிப்புகள் வழங்கப்பட்டன. சூப்பர் ஸ்டார் ரஜினி வாழ்க என கோஷங்களும் எழுப்பினார்கள். சைதை ரசிகர் மன்றம் உள்ளிட்ட பல பகுதிகளிலிருந்தும் ரசிகர்கள் திரண்டு வந்து ஆரவாரமாய் கொண்டாடினர். பலர் குடும்பத்தோடு வந்திருந்தனர்.
உணவு
‘லிங்கா' 100-வது நாள் விழாவையொட்டி ராகவா லாரன்சின் ஆதரவற்றோர் இல்லத்தில் சைதை ரவி தலைமையில் உணவு வழங்கப்பட்டது. மயிலை கபாலீஸ்வரர் கோவிலில் மயிலை சிறப்பு பூஜை நடந்தது.
ஹவுஸ் புல்
நேற்று ஆல்பர்ட் மெயின் அரங்கில் படம் திரையிடப்பட்டது. 100 வது நாள் என்பதால் திரையரங்கம் ஹவுஸ்புல்லாகிவிட்டது. படத்தை ஆரவாாரத்தோடு ரசித்து மகிழ்ந்தனர். ரஜினி படங்களின் முதல் நாள் முதல் காட்சிகளுக்கு எப்படி ரசிகர்கள் திரண்டு வந்து கொண்டாடுவார்களோ, அதே போல நேற்று லிங்கா 100வது நாள் விழாவைக் கொண்டாடினர் ரஜினி ரசிகர்கள்.