யாரு நீங்க என்று கேட்பது தலைவருக்கு ராசி: ரஜினி ரசிகர்கள் சமாளிபிகேஷன்

யார் நீங்க?

காயம் அடைந்து மருத்துவமனையில் சிகிச்சை பெற்று வருபவர்களில் ஒருவர் ரஜினியை பார்த்து யாருங்க நீங்க என்று கேட்டது வைரலாகிவிட்டது. பலரும் அதை வைத்து ரஜினியை கலாய்த்துக் கொண்டிருக்கிறார்கள்.

பதில்

#நான் தான்பா ரஜினிகாந்த் என்று ரஜினி அளித்த பதிலில் ஹேஷ்டேக் உருவாக்கி ட்விட்டரில் டிரெண்டாகவிட்டனர். இதை எல்லாம் பார்த்து ரஜினி ரசிகர்கள் கவலை அடைந்தனர்.

கமல்

அபூர்வ ராகங்கள் படத்தில் அறிமுகமானபோது ஒரு காட்சியில் ரஜினியை பார்த்து கமல் ஹாஸன் யார் நீங்க என்று கேட்டார். அதன் பிறகு தலைவரின் சினிமா வாழ்க்கை சூடுபிடித்தது, தற்போது இந்த இளைஞர் அதே கேள்வியை கேட்டுள்ளதால் அவரின் அரசியல் வாழ்க்கையும் அமோகமாக இருக்கப் போகிறது என்கிறார்கள் ரஜினி ரசிகர்கள்.

கலாய்

தூத்துக்குடி வரைக்கும் போய் தலைவர் அசிங்கப்பட்டதை பார்த்து ரசிகர்கள் எப்படி எல்லாம் சமாளிக்க வேண்டி இருக்கிறது என்று மற்றவர்கள் கிண்டல் செய்து கொண்டுள்ளனர். யார் தன்னை கிண்டல் செய்தாலும் அதை சீரியஸாக எடுத்துக் கொள்ளாதவர் ரஜினி என்பது குறிப்பிடத்தக்கது.