லிங்காவில் ஒரு ரஜினி கலெக்டர்.. இன்னொருவர் முரட்டு வில்லன்!

லிங்கா படத்தில் இரண்டு வேடங்களில் நடிக்கும் ரஜினி, ஒன்றில் கலெக்டராகவும் மற்றொன்றில் முரட்டு வில்லனாகவும் நடிக்கிறார் என தகவல்கள் கசிந்துள்ளன.

லிங்கா படப்பிடிப்பு விறுவிறுப்பாக நடந்து வருகிறது. ரஜினியுடன் அனுஷ்கா, சோனாக்ஷி சின்ஹா, சந்தானம், ஜெகபதி பாபு உள்பட பெரும் நட்சத்திரப் பட்டாளமே நடிக்கிறது.

இதில் ரஜினிக்கு இரண்டு வேடங்கள். ஒன்றில் கலெக்டராக நடிக்கிறார். மற்றொரு கேரக்டரில் முரட்டு வில்லனாக வருகிறார் ரஜினி.

ஒரு பகுதி முழுவதையும் பிரிட்டிஷ் கால ஆட்சியில் நிகழ்வதைப் போலவும், மறுபகுதியை நவீன காலத்தில் நிகழ்வது போலவும் படமாக்கி வருகிறார் இயக்குநர் கே எஸ் ரவிக்குமார்.

ஹைதராபாதில் இப்போது படப்பிடிப்பு நடந்து வருகிறது. அங்கு ரயில்வே துறையிடம் அனுமதி பெற்று, ஒரு ரயிலை வாடகைக்கு எடுத்து ரஜினி வில்லன்களுடன் மோதும் சண்டைக் காட்சியை எடுத்துள்ளனர்.