Click it and Unblock the Notifications
ரஜினிதான் நிஜ சூப்பர் ஸ்டார்.. ஷாரூக்கானுக்கும் அவர் ஆதரவு தேவைப்படுகிறது! - பரேஷ் ராவல்
சென்னையில் தனது நாடகம் ஒன்றை நடத்த வந்திருந்த பரேஷ் ராவல் செய்தியாளர்களிடம் பேசுகையில், "மற்ற மொழிகளை விட தமிழ் சினிமா பல விஷயங்களில் முன்னோடியாக உள்ளது. இங்கிருப்பவர்கள் பரீட்சார்த்த முயற்சிகளுக்குத் தயங்குவதில்லை.
சிவாஜிகணேசன், கமல் ஹாஸன் போன்றோர் எவ்வளவோ செய்திருக்கிறார்கள்.
என்னைப் பொறுத்தவரை இந்திய சினிமாவின் நிஜ சூப்பர் ஸ்டார் ரஜினிகாந்த்தான். இந்திய சினிமா வர்த்தகத்தை உலகளவில் உயர்த்தியவர் ரஜினிதான்.
ஹாலிவுட்டை மிஞ்சும் வகையில் எடுக்கப்பட்ட எந்திரனின் ஹீரோ அவர். பல வகையிலும் சினிமாவில் முன்னுதசாரணமாகத் திகழ்கிறார். இந்திய சினிமாவின் முதல் மோஷன் கேப்சரிங் படமாக கோச்சடையானை எடுப்பதும் அவர்தான்.
பாலிவுட்டில் எத்தனை பெரிய ஹீரோவாக இருந்தாலும், தன் படங்களை வெற்றி பெற வைக்க ஷாரூக்கானுக்கே கூட ரஜினியின் ஆதரவுதான் தேவைப்படுகிறது. இது ஒன்றே சொல்லும், ரஜினி எப்படிப்பட்ட செல்வாக்கு மிக்கவர் என்று," என்றார்.
Continue with Google