ரஜினி முருகன் படத்தில் சிவகார்த்திக்கேயன் ஜோடி சமந்தா? வில்லனாக சமுத்திரக்கனி!

திருப்பதி பிரதர்ஸ் தயாரிப்பு

காக்கிச் சட்டைப் படத்தைத் தொடர்ந்து 'வருத்தப்படாத வாலிபர் சங்கம்' இயக்குநர் பொன்ராம் இயக்கவிருக்கும் படத்தில் நடிக்க ஒப்பந்தமாகி இருக்கிறார் சிவகார்த்திகேயன். திருப்பதி பிரதர்ஸ் நிறுவனம் தயாரிக்க இருக்கிறது.

ரஜினி முருகன்

இந்தப்படத்திற்கு ரஜினிமுருகன் என்று பெயரிட்டுள்ளனர். இப்படத்தில் முக்கிய வேடத்தில் நடிக்க சூரி, ராஜ்கிரண், ஆகியோர் ஒப்பந்தம் செய்யப்பட்டு இருக்கிறார்கள்.

வில்லனாக சமுத்திரகனி

இப்படத்தில் பவர்ஃபுல் வில்லனாக வருகிறாராம் சமுத்திரகனி. சுப்ரமணியபுரம் படத்திற்குப் பின்னர் சமுத்திரகனி ஏற்க உள்ள வித்தியாசமான வில்லன் கதாபாத்திரம் இது என்கின்றனர்.

ரியல் எஸ்டேட் புரோக்கர்

சிவகார்த்திகேயன் இப்படத்தில் ரியல் எஸ்டேட் ப்ரோக்கராக நடிக்க இருக்கிறார். வேட்டி, கூலிங்கிளாஸ், சகிதம் பட்டையைக் கிளப்பப்போகிறாராம். மதுரையில் சுற்றி நடக்கும் கதை என்பதால் முழுப்படப்பிடிப்பும் அங்கேயே நடத்த இருக்கிறார்கள்.

நாயகியாக சமந்தா?

இரண்டு கட்டமாக மொத்த படப்பிடிப்பையும் முடிக்க திட்டமிட்டு இருக்கிறது படக்குழு. 'அஞ்சான்' படத்தில் நாயகியாக நடித்திருக்கும் சமந்தாவிடம், 'ரஜினி முருகன்' நாயகி வேடம் குறித்து பேச்சுவார்த்தை நடத்தப்பட்டு இருக்கிறது.

பாக்ஸ் ஆபிஸ்

சிவகார்த்திகேயன், சமந்தா, சூரி, ராஜ்கிரண், சமுத்திரக்கனி என பலமான கூட்டணியோடு உருவாகும் படம் என்பதால் பலத்த எதிர்பார்ப்பை ஏற்படுத்தியுள்ளது.