முகப்பு

செய்திகள்

ஒரு காலத்தில் தன்னுடன் நடித்தவர்களாக இருந்தாலும் நட்பை மறக்காமல் அவர்களைச் சந்திப்பதும், கேட்ட உதவிகளைச் செய்வதும் ரஜினியின் குணம்.

ஜெயப்பிரதாவும் ரஜினியும் நினைத்தாலே இனிக்கும் படத்தில் நடித்திருக்கிறார்கள். அந்த நட்பின் அடிப்படையில் ரஜினியிடம் இரண்டு உதவிகள் கேட்டுள்ளார் ஜெயப்ரதா.

ஒன்று அவர் மகன் சித்து நாயகனாக அறிமுகமாகும் உயிரே உயிரே படத்தின் ட்ரைலரை, லிங்காவுடன் இணைத்து வெளியிடக் கோரியது. தனது பிறந்த நாளன்று இந்த கோரிக்கையோடு வந்த ஜெயப்ரதாவிடம் உடனே ஓகே சொல்லிவிட்டார் ரஜினி.

அடுத்து உயிரே உயிரே படத்தில் கவுரவ தோற்றத்தில் ஒரு காட்சியில் தோன்ற வேண்டும் என்று கேட்டுக் கொண்டாராம் ஜெயப்ரதா. அதற்கும் சம்மதித்துவிட்டார் ரஜினி என ஜெயப்ரதா தரப்பு தெரிவித்துள்ளது. இது படக்குழுவினருக்கு மகிழ்ச்சியை ஏற்படுத்தி உள்ளது.

இதுகுறித்து ரஜினி தரப்பில் எந்தத் தகவலும் இல்லை.

உயிரே உயிரே படத்தில் சித்துவும், ஹன்சிகாவும் நடிக்கின்றனர். படத்தை ஜெயப்ரதாவே தயாரிக்கிறார்.