Don't Miss!
- Technology யாரும் நம்பமாற்றங்க.. தென்கொரிய பெண்ணை ஏமாற்றினாரா எலான் மஸ்க்? 50,000 டாலருடன் எஸ்கேப்பானது யார்?
- News தயாரிப்பாளர் ஞானவேல்ராஜா வீட்டு பணிப்பெண் தற்கொலை முயற்சி! மனைவி நேகா மீது போலீஸில் புகார்!
- Lifestyle மாம்பழம் வாங்க போறீங்களா? இப்படி பார்த்து வாங்குங்க... அப்பதான் ஏமாறாம நல்ல டேஸ்ட்டான பழமா வாங்கலாம்...!
- Automobiles அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- Finance ஆக்சிஸ் வங்கி சிஇஓ-க்கு அடித்தது யோகம்.. அடுத்த 3 வருடத்திற்கு ராஜ வாழ்க்கை..!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
ரஜினியின் கோச்சடையான்- ஒரு முன்னோட்டம்
கோச்சடையான் பொங்கலுக்கு வருகிறது.... இல்லையில்லை, ஜனவரி 26-க்கு வருகிறது... அட அதெல்லாம் இல்லப்பா, ஏப்ரல் 14 கன்பர்ம்...
-இப்படி இணையங்களிலும் பத்திரிகைகளிலும் ஏராளமான யூகங்கள் கோச்சடையான் வெளியீடு குறித்து.
ஆனால் ஆதாரப்பூர்வமாக தெரிய வந்தது, யார் படத்துக்கும் பாதிப்பு இல்லாத தேதியாதப் பார்த்து, பெரிய ஆர்ப்பாட்டமில்லாமல் படத்தை வெளியிடுங்கள் என ரஜினி சொன்னதுதான்.
இந்த நிலையில், இந்திய சினிமா சரித்திரத்தில் முக்கிய இடம்பெறவிருக்கும் வரலாற்றுப் படமான கோச்சடையான் குறித்த ஒரு விரிவான முன்னோட்டம்...
யார் கோச்சடையான்?
'கோச்சடையான்' தென் தமிழகத்தை ஆண்ட சங்க கால தமிழ் மன்னன். அவரது மகன் ராணா. அப்பா வீராதி வீரர்... மகன் ராணாவோ, வீரமும், நடனமும் கைவரப் பெற்றவன்.
மராட்டியம் வரை
தமிழ் மன்னன் கோச்சடையானின் ஆதிக்கம் அன்றைக்கு மராட்டியம் வரை பரவியிருந்தது. அவரது மேலாட்சியை ஏற்று மற்ற நாட்டு மன்னர்கள் கப்பம் செலுத்தி வந்தனர். இந்த மன்னனின் ஆட்சிக்காலத்தில் பகைவர்களுடன் நடந்த போர்களும், மன்னர் குடும்பத்துக்குள் நடந்த பாசப் போராட்டங்களையும் மையப்படுத்தி இந்தப் படத்தின் கதை உருவாக்கப்பட்டுள்ளது.
இருவேடங்கள்
இந்தப் படத்தில் தந்தை கோச்சடையான் & மகன் ராணா என இரு வேடங்களில் சூப்பர் ஸ்டார் ரஜினி நடித்துள்ளார். பொதுவாகவே இரட்டை அல்லது மூன்று வேடங்கள் கொண்ட கதைகளி ஊதித் தள்ளிவிடுபவர் ரஜினி.
கோச்சடையான் ஆதிக்கம்
படத்தில் ராணாவின் வீரதீர சாகஸங்கள் இருக்கும் என்றாலும், படம் முழுக்க ஆதிக்கம் செலுத்தும் பாத்திரம் தந்தை கோச்சடையானுடையது என்கிறார்கள் படம் பார்த்தவர்கள். மகன் ராணா சில வீரதீர காரியங்களில் இறங்கி எதிரிகளிடம் மாட்டிக்கொள்ள, அவரை தனி ஆளாக எதிரியின் கோட்டைக்கே சென்று 'கோச்சடையான்' மீட்கும் காட்சி அரங்குகளை அதிரவைக்கும் என்கிறார்கள்.
ராணாவின் ஆக்ஷன் ஆட்டம்
இரண்டாம் பாதியில் ராணாவின் ஆக்ஷன் ஆட்டம் இதுவரை எந்தப் படத்திலும் பார்க்காத அளவுக்கு பிரமிப்பை ஏற்படுத்தும் அளவுக்கு உள்ளதாம்.
தீபிகா
'கோச்சடையான்' ஜோடியாக ஷோபனா, ராணா ஜோடியாக தீபிகா படுகோனே, ராணாவின் டான்ஸ் மாஸ்டராக ருக்மணி, கோச்சடையானின் நண்பராக சரத்குமார், ராணாவின் நண்பராக ஆதி, வில்லனாக ஜாக்கி ஷெராப், ராஜகுருவாக நாசர் ஆகியோர் நடித்திருக்கின்றனர்.
ருத்ர தாண்டவம்
சிவபெருமானின் ருத்ர தாண்டவ நடன அடிப்படையில் ரஜினி - தீபிகா ஆடும் நடனத்தை இந்தப் படத்தின் சிறப்பு அம்சமாகக் கூறுகிறார்கள். இந்த நடனத்துக்காக பல நாட்கள் பயிற்சி மேற்கொண்டார் தீபிகா. ரஜினி ஆன்தி ஸ்பாட்டில் ரிகர்சல் பார்த்ததோடு சரி.ஷோபனாவுக்கும் இந்தப் படத்தில் நடனக்காட்சி உண்டு.
ரஹ்மான் இசையில் ரஜினி பாட்டு
படத்துக்கு இசை ஏ ஆர் ரஹ்மான். இந்தப் படத்தின் சிறப்புகளில் முக்கியமானது ரஜினி தன் சொந்தக் குரலில் பாடியுள்ள பாடல். "எதிரிகள் இல்லை..." என்ற ரத்தத்தை சூடேற்றும் யுத்தப் பாடல். வைரமுத்துவின் பாடலை தமிழ், இந்தியில் ரஜினியே பாடியுள்ளார்.
நீத்தா லுல்லா
படத்தின் ஆடை வடிவமைப்பு பொறுப்பை தேசிய விருது பெற்ற நீத்தாலுல்லு செய்திருக்கிறார். தமிழ் நாட்டின் பண்டைய ஆடைகளை கோவில் சிலைகளில் இருந்து படியெடுத்து வரைந்து கொடுத்திருக்கிறார். அதனையே பயன்படுத்தியிருக்கிறார்கள்.
ரஜினி டப்பிங்
தமிழ், தெலுங்கு, இந்தி என மூன்று மொழிகளிலுமே ரஜினிதான் டப்பிங் பேசியிருக்கிறார். படம் ஓடும் நேரம் 125 நிமிடங்கள். இன்டர்வெல் கிடையாது.
அனிமேஷன் இல்லை
படத்தின் பாத்திரங்கள் அனைத்தும் நிஜ மனிதர்களின் பிரதிபலிப்பாக உருவாக்கப்பட்டுள்ளன. அதாவது நிஜ மனிதர்களின் அசல் பிம்பங்கள், மோஷன் கேப்சரிங் முறையில் உருவாக்கப்பட்டு உலவவிடப்பட்டுள்ளனர். அனிமேஷனுக்கு அடுத்த கட்ட டெக்னாலஜி இது.
3 டியிலும்
படத்தை 3டியிலும் வெளியிட இருக்கிறார்கள். சீன தொழில்நுட்ப வல்லுநர்கள் உதவியுடன் 3 டி பணிகள் நடந்தன.
4000 அரங்குகள்...
உலகம் முழுவதும் 4000 அரங்குகளில் கோச்சடையானை ஒரே நேரத்தில் வெளியிடத் திட்டமிட்டுள்ளனர். ஜப்பானில் மட்டும் 1000 ம் அதிகமான அரங்குகளில் கோச்சடையானை வெளியிடத் திட்டமிட்டுள்ளனர்.
-
ரஜினிகாந்துக்கு 300 கோடி சம்பளமா?.. பலருக்கு தூக்கமே போயிடுமே பாஸ்.. டைட்டில் மட்டும் தான் ‘கூலி’!
-
சுடர் மீது புகார் கொடுத்த எழில்.. கண்கலங்கிய அஞ்சலி நினைத்தேன் வந்தாய்.. இன்றைய எபிசோட் அப்டேட்!
-
ஒரே டிப்ரெஷன்.. வாழ்க்கையே போச்சு.. தப்பான முடிவை எடுக்க பார்த்த நடிகை.. சட்டென திறந்த கதவு!