வைரமுத்துவை நேரில் சந்தித்து நலம் விசாரித்தார் சூப்பர் ஸ்டார் ரஜினி!

சென்னை: கவிஞர் வைரமுத்துவை நேரில் சந்தித்து நலம் விசாரித்தார் சூப்பர் ஸ்டார் ரஜினிகாந்த்.

முதுகுத் தண்டுவட வலி காரணமாக கவிஞர் வைரமுத்துவுக்கு சில தினங்களுக்கு முன் அறுவைச் சிகிச்சை செய்யப்பட்டது.

சிகிச்சைக்குப் பின்னர் ஓய்வெடுத்து வந்த வைரமுத்துவை சூப்பர் ஸ்டார் ரஜினிகாந்த் நேரில் சந்தித்து உடல் நிலையை விசாரித்தார். சிகிச்சை விவரங்களைக் கேட்டறிந்தார். அவருக்கு மலர்ச் செண்டு தந்த ரஜினி, விரைவில் பூரண குணம் அடைய வாழ்த்தினார்.

வைரமுத்துவும் ரஜினியும் நெருங்கிய நண்பர்களாகும். தொடர்ந்து ரஜினியின் படங்களுக்கு வைரமுத்துதான் பாடல்கள் எழுதி வருகிறார் என்பது குறிப்பிடத்தக்கது.