ஒரே இடத்தில் ரஜினி, அஜித்... தலைவர் - தல மீட்டிங் எப்ப பாஸ்?

தலைவர் 168

இதையடுத்து சிறுத்தை சிவா இயக்கத்தில் தனது 168-வது படத்தில் நடிக்கிறார் ரஜினிகாந்த். இதில் நடிகர் ரஜினிகாந்துடன் குஷ்பு, மீனா, கீர்த்தி சுரேஷ், சூரி, சதீஷ் உள்ளிட்டோரும் நடிக்கின்றனர்.

டி.இமான் இசை

ரஜினியின் எந்திரன், பேட்ட படங்களைத் தொடர்ந்து இந்தப் படத்தையும் சன் பிக்சர்ஸ் தயாரிக்கிறது. இதற்கு டி.இமான் இசையமைக்கிறார். விவேகா பாடல்கள் எழுதுகிறார். இதன் படப்பிடிப்பு ஐதராபாத் ராமோஜிராவ் பிலிம் சிட்டியில் தொடங்கியுள்ளது.

அஜித்தின் வலிமை

இங்கு, ஏற்கனவே அஜித்தின் வலிமை படத்தின் படப்பிடிப்பு மும்முரமாக நடைபெற்று வருகிறது. நேர் கொண்டப் பார்வை படத்தை அடுத்து இதையும் ஹெ.வினோத் இயக்குகிறார். இதன் ஆக்‌ஷன் காட்சிகளின் படப்பிடிப்புகள் அங்கு நடந்து வருகிறது.

ஒரே ஓட்டல்

ராமோஜிராவ் பிலிம் சிட்டியில் இரண்டு ஓட்டல்கள் உள்ளன. ஒன்று ஐந்து நட்சத்திர ஓட்டல். மற்றொன்று மூன்று நட்சத்திர ஓட்டல். இந்த ஐந்து நட்சத்திர ஓட்டலில்தான் ரஜினி, அஜித் தங்கியுள்ளனர். மூன்று நட்சத்திர ஓட்டலில் டெக்னீஷியன்கள் தங்கியுள்ளனர்.

சந்திப்பு

ஒரே இடத்தில் இருவரும் தங்கியுள்ளதால், இருவரும் விரைவில் சந்தித்துப் பேசுவார்கள் என்று கூறப்படுகிறது.