சூப்பர்.. எனக்கும் ஒரு கதை யோசிங்க.. இயக்குநர் தேசிங்கு பெரியசாமியிடம் ரஜினி பேசியது இதுதான்!

பெயரை குறிப்பிடாமல்

இந்தப் படத்தை தற்போது பார்த்த நடிகர் ரஜினிகாந்த், இயக்குநர் தேசிங்கு பெரியசாமியை போனில் தொடர்பு கொண்டு பாராட்டினார். இதனை தனது டிவிட்டர் பக்கத்தில் ஷேர் செய்த இயக்குநர் பெரியசாமி, ரஜினிக்காந்தின் பெயரை கூட குறிப்பிடாமல் கடவுளுக்கு நன்றி தெரிவித்திருந்தார்.

சூப்பர்.. எக்ஸலென்ட்..

இந்நிலையில் நடிகர் ரஜினிகாந்த் இயக்குநர் தேசிங்கு பெரியசாமியிடம் பேசிய தொலை பேசி ஆடியோ லீக்காகி வைரலாகி வருகிறது. அந்த ஆடியோவில் நடிகர் ரஜினிகாந்த் பேசியிருப்பதாவது, உங்க படத்த நேத்துதான் பார்த்தேன்.. சூப்பர்.. எக்ஸலென்ட்.. நான் திரும்பவும் பார்க்கிறேன்.. வாழ்த்துகள்..

எனக்கும் யோசியுங்கள்

சாரி இவ்ளோ லேட்டா உங்க படத்தை பார்க்குறதுக்கு..
உங்களுக்கு பெரிய எதிர்காலம் இருக்கு.. எனக்கும் ஏதாவது யோசியுங்கள் என்று ரஜினிகாந்த் கூற.. எதிர்முனையில் அய்யோ சார் என தேசிங்கு பெரியசாமி பதறுகிறார்.

சீரியஸ்லி யோசிங்க

பின்னர் சீரியஸ்லி எனக்காக யோசிங்க என கூறுகிறார் ரஜினிகாந்த்.. மீண்டும் படம் நன்றாக உள்ளது என்று கூறும் ரஜினிகாந்த் கடவுளின் ஆசிர்வாதம் என முடிக்கிறார். இந்த ஆடியோதான் தற்போது வைரலாகி வருகிறது. இதனைக் கேட்ட ரஜினி ரசிகர்கள் செம குஷியாகியுள்ளனர்.