Don't Miss!
- News புதுக்கோட்டையிலிருந்து ஷர்மிளா.. அதென்ன வித்தியாசமான "வாசனை"? குழம்பி நின்ற சென்னை சூளைமேடு போலீஸ்
- Education சென்னை ஏர்போர்ட்டில் பணிபுரிய ஆசையா...!
- Technology யாரும் நம்பமாட்றாங்க.. தென்கொரிய பெண்ணை ஏமாற்றினாரா எலான் மஸ்க்? 50,000 டாலருடன் எஸ்கேப்பானது யார்?
- Lifestyle மாம்பழம் வாங்க போறீங்களா? இப்படி பார்த்து வாங்குங்க... அப்பதான் ஏமாறாம நல்ல டேஸ்ட்டான பழமா வாங்கலாம்...!
- Automobiles அரபு நாடுகளுக்கு ஆப்பு வைக்கும் இந்தியா... அவங்க பொழப்புல மொத்தமா மண்ணை அள்ளி போட்டுட்டாங்க...
- Finance ஆக்சிஸ் வங்கி சிஇஓ-க்கு அடித்தது யோகம்.. அடுத்த 3 வருடத்திற்கு ராஜ வாழ்க்கை..!
- Sports IPL 2024 : இந்த அவமானம் தேவையா.. ஆர்சிபி அணியிடம் அதுமட்டும் நிச்சயம் கிடையாது.. வாசிம் அக்ரம்!
- Travel மதுரை கள்ளழகர் திருவிழாவைப் போன்றே மற்ற இடங்களில் நடக்கும் ‘அழகர் திருவிழாக்கள்’ பற்றி தெரியுமா உங்களுக்கு?
அண்ணாத்த ஆட்டம் ஆரம்பம்.. வேட்டி சட்டையில் கெத்தா மிரட்டும் ரஜினிகாந்த்.. வெளியானது ஃபர்ஸ்ட் லுக்!
சென்னை: இயக்குநர் சிறுத்தை சிவா இயக்கத்தில் சூப்பர் ஸ்டார் ரஜினிகாந்த் நடித்துள்ள அண்ணாத்த படத்தின் ஃபர்ஸ்ட் லுக் வெளியாகி உள்ளது.
Recommended Video
சன் பிக்சர்ஸ் தயாரிப்பில் உருவாகி உள்ள இந்த படத்தில் நடிகர் ரஜினிகாந்த், நயன்தாரா, கீர்த்தி சுரேஷ், மீனா, குஷ்பு, சூரி, பிரகாஷ் ராஜ் உள்ளிட்ட பலர் நடித்துள்ளனர்.
அந்த நடிகரின் படமும் ஓடிடியில் ரிலீஸ்… வஞ்சத்தால் ஏமாறும் இளைஞனின் கதை!
இந்த ஆண்டு தீபாவளிக்கு அண்ணாத்த திரைப்படம் திரையரங்குகளில் வெளியாகிறது.
அண்ணாத்த ஃபர்ஸ்ட் லுக்
தற்போது வெளியாகி உள்ள ஃபர்ஸ்ட் லுக் போஸ்டரில் நடிகர் ரஜினிகாந்த் வேட்டி சட்டையில் கெத்தாக மிரட்டும் லுக் வெளியாகி இருக்கிறது. இந்த தீபாவளி தலைவர் தீபாவளி தான் என ரஜினி ரசிகர்கள் அண்ணாத்த ஃபர்ஸ்ட் லுக்கை டிரெண்ட் செய்து கொண்டாடி வருகின்றனர்.
சிங்கம் சிங்கிளா தான் வரும்
அண்ணாத்த படத்தில் பெரும் நடிகர்கள் பட்டாளமே உள்ள நிலையில், பெருங்கூட்டத்துடன் விநாயகர் சதுர்த்திக்கு ஃபர்ஸ்ட் லுக் வரும் என்று பலரும் எதிர்பார்த்த நிலையில், சிங்கம் சிங்கிளா தான் வரும் என்பது போல வேட்டி சட்டையில் திருவிழா பேக் ட்ராப்பில் கோயில் மணிகள் சுற்றி இருக்க, காலடியில் அருவா ஆயுதங்கள் நிறைந்திருக்க ஃபர்ஸ்ட் லுக் போஸ்டர் மிரட்டுகிறது.
என்ன அழகு
பட்டு வேட்டி பட்டு சட்டையில் அண்ணாத்த படத்தின் படப்பிடிப்பில் நடிகர் ரஜினிகாந்த் இருந்த ஷூட்டிங் ஸ்பாட் புகைப்படங்கள் ஏற்கனவே கசிந்த நிலையில், அதே உடையில் ஃபர்ஸ்ட் லுக் போஸ்டரும் வெளியாகி இருக்கிறது. அசத்தலான கோயில் திருவிழா ஓப்பனிங் சாங்கில் இந்த காட்சி இடம்பெறும் என எதிர்பார்க்கப்படுகிறது.
70வயதிலும் அதே எனர்ஜி
நடிகர் ரஜினிகாந்த் 70 வயதிலும் அதே எனர்ஜி குறையாமல் முன்னணி ஹீரோவாக தமிழ் திரையுலகையே கலக்கி வருகிறார் என ஃபர்ஸ்ட் லுக்கை பார்த்த ஏகப்பட்ட பிரபலங்கள் மற்றும் தமிழ் சினிமா ரசிகர்கள் அண்ணாத்த ஃபர்ஸ்ட் லுக்கை அண்ணாந்து பார்த்து வருகின்றனர்.
விஸ்வாசம் எஃபெக்ட்
தல அஜித்தின் விஸ்வாசம் திரைப்படத்தை முன்னதாக இயக்கி இருந்த இயக்குநர் சிறுத்தை சிவா அந்த படத்தின் ஃபர்ஸ்ட் லுக்கில் தல அஜித் புல்லட்டில் திருவிழா பேக் ரவுண்டில் இருப்பது போலவே போஸ்டரை வெளியிட்டு இருந்தார். இந்நிலையில், அண்ணாத்த திரைப்படத்தின் ஃபர்ஸ்ட் லுக் போஸ்டரும் திருவிழா பேக் ரவுண்டில் இருப்பதால் விஸ்வாசம் எஃபெக்ட்டா என்றும் தல ரசிகர்கள் கேட்டு வருகின்றனர்.
தீபாவளி ரிலீஸ்
சன் பிக்சர்ஸ் அறிவித்ததை போலவே இந்த ஆண்டு தீபாவளிக்கு ரஜினிகாந்தின் அண்ணாத்த திரைப்படம் தியேட்டர்களில் வெளியாக காத்திருக்கிறது. வரும் நவம்பர் 4ம் தேதி படம் வெளியாகும் என்கிற அறிவிப்புடன் அண்ணாத்த ஃபர்ஸ்ட் லுக் வெளியாகி பட்டையை கிளப்புகிறது.
வலிமையுடன் மோதலா?
இயக்குநர் எச். வினோத் இயக்கத்தில் தல அஜித் நடிப்பில் உருவாகி உள்ள வலிமை திரைப்படமும் இந்த ஆண்டு தீபாவளிக்கு வெளியாகும் என எதிர்பார்க்கப்படுகிறது. ஆனால், இயக்குநர் சிறுத்தை சிவாவுடன் தொடர்ந்து 4 படங்கள் பண்ண அஜித் அவருடன் நேரடி மோதலில் ஈடு பட மாட்டார் என்றும் வலிமை ரிலீஸ் டிசம்பருக்கு தள்ளிப் போகும் என்றும் தகவல்கள் கசிந்துள்ளன.