அண்ணாத்த ஆன் டிஸ்கவரி.. பியர் கிரில்ஸ் உடன் ரஜினி.. எப்போ ஒளிபரப்பாகப் போகுது தெரியுமா?

நிகழ்ச்சி டீசர்

சூப்பர் ஸ்டார் ரஜினியின் புதுப்பட டீசர் போல, அட்டகாசமாக, Into The Wild டீசரை பியர் கிரில்ஸ் மற்றும் அவரது குழுவினர் உருவாக்கி உள்ளனர். தற்போது வெளியாகியுள்ள அந்த நிகழ்ச்சி குறித்த டீசரை பார்த்த ரஜினி ரசிகர்கள், ட்விட்டரில் #ThalaivaOnDiscovery என்ற ஹாஷ்டேக்கை உருவாக்கி டிரெண்ட் செய்து வருகின்றனர்.

ரொம்ப ஸ்பெஷல்

முன்னாள் அமெரிக்க அதிபர் ஒபாமா, இந்திய பிரதமர் மோடி, ஹாலிவுட் நடிகர்கள் சானிங் டாட்டம், பிரை லார்சன் உள்ளிட்ட பலருடன் இது போன்ற சாகச நிகழ்ச்சியில் பியர் கிரில்ஸ் கலந்து கொண்டுள்ளார். ஆனால், சூப்பர் ஸ்டார் ரஜினிகாந்த் உடன் பங்கேற்றுள்ள இந்த ஒரு நிகழ்ச்சி, தனக்கு ரொம்ப ஸ்பெஷல் என பியர் கிரில்ஸ் குறிப்பிட்டதை ரசிகர்கள் கமெண்ட் செய்து வருகின்றனர்.

மரண மாஸ்

ரஜினிகாந்தின் படங்களை விட மிகப் பெரிய ஓபனிங் மற்றும் வரவேற்பு உலகளவில் இந்த நிகழ்ச்சிக்கு கிடைக்கும் என்றும், மார்ச் 23ம் தேதி டிஸ்கவரி சேனலின், டி.ஆர்.பி ரேட்டிங் வேற லெவலில் எகிறப் போகிறது என்றும், ரஜினி ரசிகர்கள் கமெண்ட் செய்து வருகின்றனர்.

புரமோவே தெறிக்குது

டெர்ட் பைக்கில், ஹெல்மட் மற்றும் கூலர்ஸ் மாட்டியபடி, ரஜினிகாந்த், பறக்கும் காட்சிகள், டீசரில் நெருப்பாக தெறிக்கிறது என்றும் கூஸ்பம்ப்ஸ் காட்சிகளாக நிகழ்ச்சி முழுவதும் இருக்கப் போகிறது என்றும், ரசிகர்கள் ட்விட்டரில் கமெண்ட்டுகள் மற்றும் மீம்களை போட்டு டிரெண்ட் செய்து வருகின்றனர்.

அண்ணாத்த ஆன் டிஸ்கவரி

இதுவரை எந்தவொரு ரியாலிட்டி ஷோக்களிலும் கலந்து கொள்ளாத நடிகர் ரஜினிகாந்த், முதன்முறையாக டிஸ்கவரி சேனலில் ஒளிபரப்பாக உள்ள Into The Wild நிகழ்ச்சியில், பியர் கிரில்ஸ் உடன் இணைந்து செய்யும் சாகசங்களை காண ரசிகர்கள் ஆவலுடன் காத்திருக்கின்றனர். அண்ணாத்த ஆன் டிஸ்கவரி என ரசிகர்கள் எதிர்பார்ப்பை எகிறவிட்டு வருகின்றனர்.