சூப்பர்ஸ்டார் சர்ச்சை.. போட்டி போட்டு ரஜினி, விஜய் படங்களை க்ரிஞ்ச் என ட்ரோல் செய்யும் ஃபேன்ஸ்!

சூப்பர் ஹீரோக்களாக

இந்திய சினிமாவில் நட்சத்திரங்களை சூப்பர் ஹீரோக்களாகவே திரையில் பெரும்பாலான இயக்குநர்கள் காட்டி வருகின்றனர். நம்பவே முடியாத காட்சிகளை திடீரென படத்தின் கிளைமேக்ஸ் மற்றும் முக்கியமான இடங்களில் வைத்து மாஸ் காட்டுகிறேன், பில்டப் செய்கிறேன் என சொல்லி விட்டு அந்த காட்சிகளை பலரும் ட்ரோல் செய்யும் விதமாக எடுத்து வைத்து விடுவார்கள். பல கோடி செலவு செய்து உருவாக்கப்படும் காட்சிகள் ட்ரோல் மீம் காட்சிகளாக மாறி வருவது தான் இதில் வேடிக்கை.

சூப்பர்ஸ்டார் டைட்டில் பிரச்சனை

வாரிசு படத்தின் இசை வெளியீட்டு விழாவில் நடிகர் சரத்குமார் விஜய்யை சூப்பர்ஸ்டார் என பேசியது பெரும் சர்ச்சையை கிளப்பியது. விஜய் ரசிகர்கள் மற்றும் ரஜினி ரசிகர்களிடையே சோஷியல் மீடியாவில் மிகப்பெரிய சண்டை தொடர்ந்து அதிகரித்து வருகிறது. இந்நிலையில், விஜய் படங்களில் இடம்பெற்ற க்ரிஞ்சான காட்சிகளையும் ரஜினி படங்களில் இடம்பெற்ற க்ரிஞ்சான காட்சிகளையும் மாற்றி மாற்றி ஷேர் செய்து கோலிவுட்டின் மானத்தை இரு நடிகர்களின் ரசிகர்களும் ஒட்டுமொத்தமாக இணையத்தில் வாங்கி வருகின்றனர்.

காட்டுத்தனமா க்ரிஞ்ச்

தூம் படத்தில் இருந்து காப்பி அடித்து மேன் ஹோலில் இருந்து தண்ணீர் பிய்த்துக் கொண்டு விஜய் வெளியே வரும் காட்சி, சுறா படத்தில் கடலில் இருந்து நீச்சல் அடித்துக் கொண்டே பறந்து வரும் காட்சி, வேலாயுதம் படத்தில் வேகமாக செல்லும் ரயிலில் பாய்ந்து ஏறும் காட்சிகளை போட்டு நடிகர் விஜய் படங்களின் காட்சிகளை ட்ரோல் செய்த வீடியோவை பதிவிட்டு ரஜினிகாந்த் ரசிகர்கள் கலாய்த்து வருகின்றனர்.

லிங்கா ட்ரோல்

பதிலுக்கு அந்த பக்கம் விஜய் ரசிகர்கள் லிங்கா படத்தின் கிளைமேக்ஸில் ரஜினிகாந்த் மோட்டார் பைக்கில் இருந்து பறந்த படி பாராசூட்டில் குதித்து வில்லனை ஒரே எத்தாக எட்டி உதைக்கும் சூப்பர் மேன் சாகச காட்சிகளை போட்டு ட்ரோல் செய்து வருகின்றனர்.

டான்ஸ் வேணுமா டான்ஸ் இருக்கு

டான்ஸ் வேணுமா டான்ஸ் இருக்கு, ஃபைட் வேணுமா ஃபைட் இருக்கு, எமோஷன் வேணுமா எமோஷன் இருக்கு.. வோல்சம் என்டர்டெயின்மென்ட் என வாரிசு இசை வெளியீட்டு விழாவில் தில் ராஜு பேசியதையும் விஜய் படங்களில் இடம்பெற்ற க்ரிஞ்சான காட்சிகளையும் எடிட் செய்து போட்டு ரஜினி ரசிகர்கள் துவம்சம் செய்து வருகின்றனர்.

ரைஸ் ஆஃப் தி பிளானட் ஆஃப் தி ஏப்ஸ்

ரஜினிகாந்த் சும்மா ஏர்ல பறந்து பறந்து லாஜிக்கே இல்லாமல் டூப்பை வைத்து சண்டை போடும் காட்சிகளை பதிவிட்டு ரைஸ் ஆஃப் தி பிளானட் ஆஃபி தி ஏப்ஸ் என கேப்ஷன் கொடுத்து விஜய் ரசிகர்கள் பதிலுக்கு பதில் கலாய்த்து வருகின்றனர். இந்த ட்ரோல் வீடியோக்களை சேகரித்து வைத்து தெலுங்கு சினிமா பாலய்யா ரசிகர்கள் இனிமேல் எங்களை கலாய்க்காதீங்க என கமெண்ட் பக்கத்தில் மரண பங்கம் படுத்தி வருகின்றனர்.