வில்லன் படத்தைப் பார்க்கவிரும்பும் சூப்பர்ஸ்டார்!

ரஜினி பார்க்க விருப்பம்

ரஜினி இந்தப்படத்தை பார்க்க வேண்டும் என விரும்புவதற்கு மலையாளத் திரையுலகின் முன்னணி நடிகரும், நண்பருமான மோகன்லால் இந்தப் படத்தில் ஹீரோவாக இருப்பதே முக்கியக் காரணம். அதுதவிர வேறு சில காரணங்களும் இருக்கின்றன.

மலையாளத்தில் விஷால்

இந்தப்படத்தின் மூலம் நடிகர் விஷால் முதன்முறையாக மலையாளத் திரையுலகில் நுழைந்துள்ளார். விஷால் நடிக்கும் இப்படத்தில் அப்படி என்ன கதை இருக்கும், இந்தப்படத்தில் என்ன சிறப்பு என அறியும் ஆவலும் ஒரு காரணமாக இருக்கலாம்.

லிங்கா தயாரிப்பாளர்

இந்தப்படத்தைத் தயாரித்துள்ளவர் தயாரிப்பாளர் ராக்லைன் வெங்கடேஷ். ரஜினியை வைத்து 'லிங்கா' படத்தை தயாரித்த இவர், ரஜினியின் நண்பரும் கூட. ராக்லைன் வெங்கடேஷின் வேண்டுகோளும் கூட ரஜினி, இந்தப்படத்தை பார்க்க விரும்பியதற்கு ஒரு காரணம்.

மோகன்லால் படம்

இதேபோல கடந்த வருடம் மோகன்லால் நடித்த 'ஒப்பம்' படத்தை அதன் இயக்குனர் ப்ரியதர்ஷன், ரஜினிக்கு பிரத்யேகமாகத் திரையிட்டு காட்டினார். அந்தப் படத்தை ரசித்துப் பார்த்த ரஜினிகாந்த் பாராட்டினார் என்பதும் குறிப்பிடத்தக்கது.