இனிமே மத்தவங்க பார்க்கும் போது வேலை செய்யுறேன் சார்.. பிரியங்காவுக்கு நோஸ் கட் கொடுத்த ராஜு!

பிரியங்கா வேலை செய்கிறாரா

ராஜு வேலை செய்யல, இமான் அண்ணாச்சி வேலை செய்யல என குற்றம்சாட்டும் பிரியங்கா என்னைக்காவது வேலை செஞ்சிருக்காரா என ராஜு ஆர்மியினர் கேள்வி எழுப்பி விளாசி வருகின்றனர். மற்றவர்களை வேலை ஆட்களாக மாற்றி தனக்கு தேவையான மெடிக்க்யூர், பெடிக்யூர் எல்லாம் செய்து கொள்கிறார். தண்ணி எடுத்துக் கொடுக்க கூட அபிஷேக்கிற்கு ஆர்டர், சாப்பாடு செய்து போடும் தாமரைக்கு முத்தம் என இவர் தான் ஒபி அடித்து வருகிறார் என பொங்கி எழுந்துள்ளனர்.

கமல் கேள்வி

ராஜு மற்றும் இமான் அண்ணாச்சியை கமல் கேள்வியே கேட்க மாட்டேங்கிறார் என்கிற குற்றச்சாட்டை முறியடிக்கும் விதமாக சனிக்கிழமை எபிசோடின் ஆரம்பத்திலேயே இருவரது பஞ்சாயத்தையும் பேசி முடித்து விட்டார் கமல். தாமரையை நீங்க வேலை வாங்குறீங்களா ராஜு என்றும் ஏன் வீட்டில் வேலை செய்றதே இல்லையா என்றும் கேட்டு விட்டார்.

பிரியங்காவுக்கு பதிலடி

தொடர்ந்து தன்னை இந்த ஒரு விஷயத்திலேயே பிரியங்கா டார்கெட் செய்து வருவதை அறிந்தும் அமைதி காத்து வந்த ராஜு ஜெயமோகன் கமல் முன்னிலையில் மொத்தத்திற்கு பதிலடி கொடுத்து விட்டார். வீட்டை பெருக்கி க்ளீன் பண்றேன், பாத்ரூம் க்ளீன் பண்றேன், சமைக்கிறேன் சார் ஆனால், அந்த பாத்திரம் கழுவுறது மட்டும் கஷ்டமா இருக்கு சார் என ஓப்பனாக பேசி விட்டார்.

ஸ்டூல் போட்டு பண்ணுங்க

ஃபர்ஸ்ட் சேவ் ஆகிறதுனால பத்து தேய்க்க கூடாதுன்னு இல்லைங்க என ராஜுவுக்கும் குட்டு வைத்த கமல் உயரமாக இருப்பதால் பாத்திரம் கழுவும் இடத்தில் சிரமமாக இருப்பது என்கிற ராஜுவின் வாதத்தை ஏற்காமல் ஸ்டூல் போட்டு உட்கார்ந்து பண்ணுங்க.. அப்போ பிரியங்காவுக்கு தெரியுதான்னு பார்ப்போம் என சேம் சைடு கோல் அடித்து விட்டார்.