தோழனாக பழகினால் தென்றல்.. எதிரியா பழகினால் புயல்.. அசால்டா மிரட்டிய ராஜு பாய்!

நான் ஒரு ஆகாயம்

முதலாவது ஆளாக வந்த ரிவ்யூ மன்னன் அபிஷேக், தன்னை ஒரு ஆகாசமாக பார்ப்பதாக கூறினார். ஏன் என்றால், என்னுடைய உற்சாகத்திற்கு லிமிட்டே கிடையாது என்றார். மேலும் பேசிய அவர் நிரூப்பை நான் நெருப்பா பார்க்கிறேன், நெருப்பை கொஞ்ச முடியாது சுட்டுவிடும் என்றார்.

நான் நெருப்பு

அடுத்து பேசிய இமான் அண்ணாச்சி என்னை, நான் நெருப்பு என்று சொல்லுவேன். ஏன் என்றால் என்னை எப்படி வேணும் என்றாலும் பயன்படுத்திக் கொள்ளலாம் என்றார். மேலும், அபிஷேக்கை நான் நெருப்பாக பார்க்கிறேன் ஏன் என்றால் அவர் கொளுத்திப்போடுகிறார் என்று அவரை குறை கூறினார்

எதிரியா பழகினால் புயல்

இதையடுத்து பேசிய ராஜு, நான் என்னை எல்லாமாகவும் பார்க்கிறேன் என்றார். ஏன் என்றால் என்னிடம் எல்லா குணமும் இருக்கு , ஆனால் என்னிடம் அதிகமாக இருக்கும் குணம் காற்று என்றார். ஏன் என்றால், தோழனாக பழகினால் தென்றால், எதிரியா பழகினால் புயல், வேறுவிதமாக என்னிடம் நடந்து கொண்டால் சூறாவளி என்றார்.

அளவா யூஸ் பண்ணுங்க

என்னை கொஞ்சம் அளவா யூஸ் பண்ணா உங்களுக்கு நல்லது... இல்ல நிறைய நெருக்கமா இருக்கனும் நினைச்சீங்கனா மூச்சு திணறிவிடும். அதனால என்னை பாத்து நியூஸ் பண்ணுங்க என்று, வழக்கமா அவர் பேசும் நகைச்சுவை உணர்வுடன் பேசினார்.

பிரியங்கா நெருப்பு

மேலும், பேசிய ராஜு பிரியங்காவை நெருப்பு என்று குறை கூறினார், முதன் முதலில் மனிதன் கண்டுபிடித்த ஒரு விஷயம் நெருப்பு, அதன் பிறகு தான் புரட்சி ஆரம்பமானது. நெருப்பு பொறி கிளம்பி பற்றிக்கொண்டால் எரிந்து சாகவேண்டியது தான். நெருப்பு ஒரு ஆபத்தான விஷயம். இதனால் நெருப்பு நாம் பார்த்து பயன்படுத்த வேண்டும் என்று வாழைப்பழத்தில் ஊசி ஏற்றுவது போல பிரியங்காவை பங்கமாக கலாய்த்தார்.