என்னிடம் உதவியாளராக இருந்தும் ராஜுமுருகன் எதையுமே கத்துக்கவில்லை: லிங்குசாமி

ஜோக்கர் போஸ்டர்

சின்ன டாய்லெட் அருகே குரு சோமசுந்தரம் அமர்ந்திருக்கும் ஜோக்கர் போஸ்டரை பார்த்தபோது இது எல்லாம் ஒரு போஸ்டரா?. நல்லபடியாக ஏதாவது டிசைன் செய்து போஸ்டராக போட்டிருக்கலாமே என நினைத்தேன்.

முக்கியமான படம்

ஜோக்கர் படத்தை பார்த்தேன். இப்படியும் ஒரு படத்தை யோசிக்க முடியுமா, எடுக்க முடியுமா என்பதை எல்லாம் தாண்டி எந்த பார்முலாவிலும் சிக்காமல் முக்கியமான படமாக ஜோக்கரை எடுத்து பார்க்க வைத்துவிட்டார் ராஜு.

ராஜுமுருகன்

ராஜுமுருகன் என்னிடம் உதவி இயக்குனராக இருந்தும் அவர் என்னிடம் இருந்து எதையுமே கற்றுக்கொள்ளவில்லை. அவர் வேறு எங்கிருந்தோ கற்றுக் கொண்டு வித்தியாசமான விஷயத்தை சொல்ல வருகிறார். ஜோக்கர் ஒரு புதுமையான படம், தைரியமான படம். நான் தான் ராஜுவிடம் இருந்து கற்றுக் கொண்டுள்ளேன். அவர் என் உதவி இயக்குனர் என்பதை நினைத்து பெருமையாக உள்ளது.

வாழ்த்துக்கள்

ஜோக்கர் என்கிற முக்கியமான படத்தை துணிச்சலாக தயாரித்த பிரபுவுக்கும், பிரகாஷுக்கும் என் வாழ்த்துக்களை தெரிவித்துக் கொள்கிறேன். இந்த படத்தை எடுக்க ராஜுவுக்கு மிகவும் துணிச்சல் இருந்திருக்க வேண்டும். இந்த படம் பிற மொழிகளில் மொழி பெயர்ப்பாகும் என நம்புகிறேன்.

பார்க்கவில்லை

ஆமீர் கான் இந்த படத்தை பார்த்துவிட்டு இந்தியில் எடுக்கலாம் என நம்புகிறேன். இத்தகைய படத்தை தமிழ் சினிமாவில் பார்க்கவில்லை என்று கூறுவோமே அத்தகைய படம் தான் ஜோக்கர்.