Indian 2: கமல் மருமகளாகும் ரகுல், அப்படின்னா காஜல் மாமியாரா?

ரகுல் ப்ரீத்

இந்தியன் 2 படத்தில் முக்கியமான கதாபாத்திரத்தில் நடிக்க ரகுல் ப்ரீத் சிங்கை அணுகினாராம் ஷங்கர். ஷங்கர் படத்தில் நடிக்க பல நடிகைகள் ஏங்கிக் கிடக்க தன்னை தேடி வந்த வாய்ப்பை ஏற்றுக் கொண்டுள்ளார் ரகுல் ப்ரீத் சிங். படத்தில் சித்தார்த்தின் காதலியாக நடிக்கிறாராம் ரகுல்.

சித்தார்த்

சேனாபதியின் பேரன், சந்துருவின் மகனாக நடிக்கிறார் சித்தார்த். சேனாபதி, சந்துரு ஆகிய இரண்டு கதாபாத்திரங்களில் கமல் ஹாஸன் நடிக்கிறார். அப்படி என்றால் காஜல் அகர்வாலுக்கு ஆன்ட்டி கதாபாத்திரமா என்று அவரின் ரசிகர்கள் அதிர்ச்சி அடைந்துள்ளனர். காஜல் அகர்வால் ரகுல் ப்ரீத் சிங்கின் மாமியாரா, ஓ மை காட் என்று ரசிகர்கள் தெரிவித்துள்ளனர்.

காஜல்

காஜல் அகர்வால் கதாபாத்திரம் முக்கியமானது, ப்ரியா பவானி சங்கரின் கதாபாத்திரம் படம் முழுக்க வரும், ரகுல் ப்ரீத் சிங்கின் கதாபாத்திரமும் முக்கியமானது. இதில் உண்மையில் எந்த கதாபாத்திரம் முக்கியமானது. ஒன்றுமே புரியவில்லையே. ஷங்கர் செய்தால் சரியாகத் தான் இருக்கும். படம் வெளியானால் இந்த குழப்பம் எல்லாம் தீர்ந்துவிடப் போகிறது.

கோலிவுட்

ராகுல் ரவீந்திரன் இயக்கியுள்ள மன்மதுடு 2 படத்தில் நாகர்ஜுனா ஜோடியாக நடித்துள்ளதால் நாக சைதன்யா ஜோடியாக நடிக்கவிருந்த பட வாய்ப்பு ரகுலை விட்டுச் சென்றது. இந்நிலையில் அவருக்கு ஷங்கர் இயக்கத்தில் நடிக்க வாய்ப்பு கிடைத்துள்ளது. அண்மை காலமாக ரகுலுக்கு பட வாய்ப்புகள் வருவதும், போவதுமாக உள்ள நிலையில் பெரிய வாய்ப்பு அவரை தேடி வந்திருக்கிறது என்பது குறிப்பிடத்தக்கது.