அட்ராசக்க.. ஆஸ்கர் போட்டியில் ராம்சரண், ஜூனியர் என்டிஆர்.. வெரைட்டி செய்த தரமான சம்பவம்!

செம கிளாஷ்

ராம்சரண் மற்றும் ஜூனியர் என்டிஆர் ரசிகர்கள் மத்தியில் மாட்டிக் கொண்டு முழிக்கக் கூடாது என இவருக்கு ஒரு சூப்பர் சீன் வைத்தால், அவருக்கு ஒரு சிறப்பான காட்சியை வைத்து படம் முழுக்க ரசிகர்களை கூஸ்பம்ஸ் அடைய வைத்திருந்தார் இயக்குநர் ராஜமெளலி. அப்படி இருந்த போதும், ராம்சரண் தான் பெஸ்ட் என்றும் ஜூனியர் என்டிஆர் தான் கெத்து என்றும் ரசிகர்கள் சண்டைப் போட்டுக் கொண்டதை யாராலும் தடுக்க முடியவில்லை.

ஆஸ்கர் ரேஸில் ஆர்ஆர்ஆர்

மார்வெல் படங்களில் கூட இந்த அளவுக்கு மாஸான காட்சிகள் இல்லை என ஜூனியர் என்டிஆர் மிருகங்களுடன் அந்த வண்டியில் இருந்து குதிக்கும் காட்சியை பதிவிட்டு ஏகப்பட்ட ஹாலிவுட் இயக்குநர்கள் பாராட்டி வந்தனர். அடுத்த ஆண்டு ஆஸ்கர் போட்டியில் ஆர்ஆர்ஆர் பங்கேற்று வெற்றி பெற வேண்டும் என்றும் ஏகப்பட்ட வெளிநாட்டு பிரபலங்களே அந்த படத்துக்கு ஆதரவு தெரிவித்து வருகின்றனர்.

அடுத்த ஜேம்ஸ் பாண்ட்

ஜேம்ஸ் பாண்டாக 5 படங்களில் நடித்து வந்த டேனியல் கிரெய்க் ஓய்வு பெற்ற நிலையில், அடுத்த ஜேம்ஸ் பாண்டாக நடிக்கும் தகுதி நடிகர் ராம்சரணுக்கு இருக்கு என்றும் ஏகப்பட்ட ஹாலிவுட் பிரபலங்கள் கருத்து தெரிவித்தனர். மேலும், சில இயக்குநர்கள், ராம்சரணுக்காக புதிதாக ஆக்‌ஷன் கதைகளை எழுதப் போவதாகவும் தெரிவித்து இருந்தனர்.

ஆஸ்கர் லிஸ்ட்டில் ராம்சரண்

இந்நிலையில், சர்வதேச இதழான Varietyல் மக்கள் தேர்வு செய்த நடிகர்கள் பட்டியலில் அடுத்த ஆண்டு ஆஸ்கருக்கு தேர்வாக தகுதியான நடிகர்கள் பட்டியலில் நடிகர் ராம்சரண் பெயரும் இடம்பிடித்துள்ளது. #RamCharanForOscars என்கிற ஹாஷ்டேக்கை பதிவிட்டு ரசிகர்கள் உலகளவில் டிரெண்ட் செய்து வருகின்றனர்.

ஜூனியர் என்டிஆரும் இருக்காரு

ராம்சரணுக்கு முன்பாக நடிகர் ஜூனியர் என்டிஆர் பெயரும் இந்த பட்டியலில் இடம்பிடித்துள்ளது. மேலும், சிறந்த இயக்குநர் பட்டியலில் இயக்குநர் ராஜமெளலியின் பெயரும், சிறந்த பாடல் பட்டியலில் தோஸ்தி பாடலும் இடம்பெற்றுள்ளன. அடுத்த ஆண்டு ஆஸ்கர் நிகழ்ச்சியில் ஆர்ஆர்ஆர் படத்துக்கு நிச்சயம் ஏதாவது ஒரு விருதாக கிடைக்குமா? என்கிற எதிர்பார்ப்பு அதிகரித்து வருகிறது.