தமன்னாவுக்கு சீக்கிரம் கல்யாணமாக ராம் சரண் கொடுத்த 'ஐடியா'!

By Sudha

Published: Monday, May 7, 2012, 19:02 [IST]

தமன்னாவும், தெலுங்கு ஹாட் ஸ்டார் ராம் சரணும் செம தோஸ்த்துகளாகி விட்டனர். எல்லாம் 8 மாசம்தான் காரணம்... உடனே அங்க போயிடாதீங்க.. எட்டு மாதமாக இவர்கள் சேர்ந்து நடித்த ரச்சா படம் சூப்பர் டூப்பர் ஹிட் ஆனதோடு, இருவருக்கும் இடையிலான நட்பையும் வலுவாக்கி விட்டதாம்.. .மறுபடியும் கற்பனையை தட்டிடாதீங்க.. வெறும் நட்புதானாம்.

சமீபத்தில் இரண்டு பேரும் சந்தித்து ஹாயாக பேசிக் கொண்டிருந்தனராம். அப்போது தமன்னா சொன்னாராம், என்னுடன் ஜோடியாக நடித்த நடிகர்களுக்கெல்லாம் உடனே கல்யாணமாகி விடுகிறது. கார்த்தி நடித்தார், இப்போது கல்யாணமாகி விட்டது. அதேபோலத்தான் ஜூனியர் என்டிஆர், அல்லு அர்ஜூன், ஏன் நீங்களும் கூடத்தான் என்று கூறினாராம்.

அதைக் கேட்ட ராம் சரண் ரொம்ப கூலாக, அப்படியானால் நீங்க உடனே ராணா டகுபதியுடன் ஜோடி போட்டு நடிங்க, உங்களுக்கும் கல்யாணமாகி விடும் என்றாராம். ராணாவுடன் ஜோடியாக நடித்த ஜெனீலியாவுக்கு உடனே கல்யாணமானதை வைத்து இப்படிப் பதிலளித்தாராம் ராம் சரண்.

அவரது பதிலைக் கேட்டு விழுந்து விழுந்து சிரித்தாராம் தமன்னா...

அட, இங்க பார்ரா...!