ஜூன் 14-ல் சிரஞ்சீவி மகன் ராம் சரண் - உபாசனா திருமணம்

பிரபல தெலுங்கு நடிகர் சிரஞ்சீவி மகனும், முன்னணி நடிகருமான ராம் சரணுக்கும் அப்பல்லோ பிரதாப் ரெட்டியின் பேத்தி உபாசனா காமினேனிக்கும் வரும் ஜூன் 14-ம் தேதி திருமணம் நடக்கிறது.

ராம்சரண் - உபாசனா காமினேனி திருமண நிச்சயம் கடந்த டிசம்பரில் நடந்தது. அப்போது திருமண தேதி அறிவிக்கப்படவில்லை. இப்போதுதான் அறிவிக்கப்பட்டுள்ளது.

அதன்படி வருகிற ஜூன் மாதம் 14-ந்தேதி ஹைதராபாத் கான்டிபேட்டாவில் உள்ள பண்ணை வீட்டில் திருமணம் வெகு விமரிசையாக நடைபெறும் என நேற்று இரு வீட்டு பெற்றோரும் அறிவித்தனர்.

திருமண வரவேற்பு நிகழ்ச்சியை திருப்பதியில் நடத்தத் திட்டமிட்டுள்ளனர். மறுநாள் ஜூன் 15-ல் வரவேற்பு நடைபெறும் என தெரிகிறது. வரவேற்புக்கு ரசிகர்களை அழைக்கவும் முடிவு செய்துள்ளனர்.

கைவசம் உள்ள படங்களை திருமணத்துக்கு முன்பு முடித்து கொடுத்து விடுவதற்காக இரவும் பகலும் விறு விறுப்பாக் படப்பிடிப்புகளில் பங்கேற்று வருகிறார்.