சஞ்சய் லீலா பன்சாலியின் ராம் லீலா... மூன்று நாட்களில் ரூ 50 கோடி!

சஞ்சய் லீலா பன்சாலியின் ராம்லீலா திரைப்படம் வெளிவந்த மூன்றே தினங்களில் ரூ 50 கோடியைத் தாண்டியிருக்கிறது.

ரண்வீர் சிங், தீபிகா படுகோன் நடித்துள்ள இந்தப் படம் கடந்த வெள்ளியன்று உலகமெங்கும் வெளியானது.

சஞ்சய் லீலா பன்சாலியே தயாரித்து இயக்கியிருந்தார்.

பெரும் எதிர்ப்பார்ப்புக்கிடையே வெளியான இந்தப் படம், அனைத்து தரப்பினரிடமிருந்தும் பாராட்டுகளையும் வரவேற்பையும் பெற்றுள்ளது.

வெளியான மூன்றே தினங்களில் ரூ 50 கோடியைக் குவித்துள்ளது. முதல் நாள் வசூல் ரூ 16 கோடி. இந்தப் படம் வார இறுதிக்குள் ரூ 100 கோடி வசூலைத் தொட்டுவிடும் என்று எதிர்ப்பார்க்கப்படுகிறது.

இந்தப் படத்தின் மொத்த பட்ஜெட் ரூ 35 கோடி என்பது குறிப்பிடத்தக்கது.

இந்தப் படத்துக்கு தமிழகத்தைச் சேர்ந்த ரவிவர்மன் ஒளிப்பதிவு செய்துள்ளார். படத்தின் வெற்றிக்கு முக்கிய காரணமாக அமைந்துள்ளது இவரது வண்ணமிகு ஒளிப்பதிவு. வட இந்திய ஊடகங்களில் ரவிவர்மனுக்கு பெரும் பாராட்டு கிடைத்துள்ளது.