Don't Miss!
- News வடஇந்தியாவில் 13 மாநிலங்களில் பாஜகவிற்கு சிக்கல்.. ஆக்சிஸ் மை இந்தியா இயக்குனர் சொன்ன தகவல்!
- Technology எகிறியது மவுசு.. ரூ.5000 டிஸ்கவுண்ட் உடன்.. மீண்டும் விற்பனைக்கு வந்த Motorola போன்.. என்ன மாடல்?
- Finance வைப்பு நிதிக்கு அதிக வட்டி கொடுக்கும் வங்கி எது..? முதலீடு செய்ய இதுதான் சான்ஸ்!
- Lifestyle மனித இரத்தத்தை விரும்பி சுவைக்கும் ஆபத்தான பாக்டீரியா: ஆய்வில் தெரியவந்துள்ள அதிர்ச்சியளிக்கும் செய்தி...!
- Automobiles இந்திய நிறுவனம் தயாரிச்ச வண்டியா இது? முழுக்க முழுக்க மின்சாரத்தில் இயங்கும்! ஹல்க்கைவிட அதிக எடையை சுமக்கும்!
- Sports "மும்பை சூப்பர் கிங்ஸ்"னு பேரை மாத்திக்கலாம்.. சென்னை சூப்பர் கிங்ஸ் அணியில் மும்பை ஆக்கிரமிப்பு
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
லொள் லொள்.. உர் உர்.. ராம நாராயணன் ஸ்டைலுக்கு திரும்பும் தமிழ் சினிமா!
சென்னை: தமிழ் சினிமாவில் விலங்குகளை மையப்படுத்தி அதிக படங்கள் எடுத்த பெருமை ராம.நாராயணனையே சேரும். ஹீரோவை மையப்படுத்தியே படங்கள் வந்த நிலையில் தனக்கென ஒரு தனி பாணியையே உருவாக்கியவர் ராம.நாராயணன்.
ராம.நாராயணனுக்கு பிறகு தமிழில் விலங்குகளை மையப்படுத்திய படங்கள் குறைந்துவிட்டன. மேலும் விலங்குகள் இடம் பெற்றிருக்கும் படங்களுக்கு, அவை கொடுமைப்படுத்தப்படவில்லை என உறுதியளிக்க வேண்டிய விதியும் வந்ததால், அவற்றின் மீதான ஆர்வம் இயக்குநர்களுக்கு குறைந்து விட்டது.
தற்போது விலங்குகளை மையப்படுத்திய படங்கள் மீண்டும் தலை தூக்க ஆரம்பித்திருக்கின்றன. சமீபத்திய உதாரணம், ஜி.வி.பிரகாஷ் நடிப்பில் வெளியான வாட்ச்மேன். படம் முழுக்க நாயகனோடு ப்ரூனோ என்ற நாய் கதாபாத்திரமும் பயணித்திருக்கும்.
இந்தியா வரும் அயர்ன்மேன்: விஜய் சேதுபதியால் கலக்கத்தில் ரசிகர்கள்
இதேபோன்று, அடுத்து உருவாகிக் கொண்டிருக்கும் முழு நீள விலங்கு திரைப்படம் தும்பா. இதன் ப்ரொமோஷன் வீடியோவில், இசை அமைப்பாளர் அனிருத்துடன் ஒரு புலியும் இடம்பெற்றிருந்தது. இந்த வீடியோ நல்ல வரவேற்பை பெற்றிருந்த நிலையில், படமும் வேகமாக தயாராகி வருகிறது. முதற்கட்ட படப்பிடிப்பு முடிவடைந்தததை படக்குழுவினர் அறிவித்திருந்த நிலையில், கோடை விடுமுறையைக் குறி வைத்து படத்தை ரிலீஸ் செய்வதற்கான பணிகள் வேகமாக நடைபெற்று வருகின்றன.
அறிமுக இயக்குநர் ஹரிஷ் ராம் இயக்கியுள்ள இந்தப் படத்தில் கனா படத்தின் மூலம் கவனம் பெற்ற தர்ஷன் கதாநாயகனாக நடிக்க அவருக்கு ஜோடியாக தயாரிப்பாளர் அருண் பாண்டியனின் மகள் கீர்த்தி கதாநாயகியாக அறிமுகமாகிறார். தீனா முக்கிய கதாபாத்திரத்தில் நடிக்கிறார். புலி இடம்பெற்றுள்ள காட்சிகள் அனைத்தும் கிராபிக்ஸில் உருவாகி வருகின்றன. இந்த படம் ரிலீசானால் தமிழில் உருவான முழு நீள புலிப்படம் என்ற பெருமையை தும்பா பெறும்.