பட்டு வேஷ்டி சட்டையில் பல்வால் தேவன்.. காதலியுடன் இனிதே நடந்து முடிந்த நிச்சயதார்த்தம்.. வைரல் பிக்!

டிஸைன் ஸ்டுடியோஸ்

ராணாவின் காதலியான மிஹீகா பஜாஜ், ஹைதராபாத்தில் பிறந்து வளர்ந்தவர். இன்டீரியர் டிஸைனரான மிஹீகா பஜாஜ், ட்யூ ட்ராப் டிஸைன் ஸ்டுடியோஸ் என்ற நிறுவனத்தை நடத்தி வருகிறார். ஈவென்ட் மேனேஜ்மென்ட், ஆடை வடிவமைப்பு உள்ளிட்ட பணிகளையும் தனது நிறுவனத்தின் மூலம் செய்து வருகிறார் மிஹீகா.

நிச்சயதார்த்தம்

மிஹீகா லண்டனில் இன்டீரியர் டிசைனிங் முடித்துள்ளார். இருவரின் காதல் செய்தியையும் அறிந்த திரை பிரபலங்களும் ரசிகர்களும் ராணாவுக்கு வாழ்த்து மழையை பொழிந்து வருகின்றனர். இந்நிலையில் ராணாவுக்கு தனது காதலி மிஹீகாவுடன் திருமண நிச்சசயதார்த்தம் நடந்து முடிந்துள்ளது.

பட்டு வேஷ்ட்டி சட்டை

அந்த போட்டோவை தனது இன்ஸ்டாகிராம் மற்றும் டிவிட்டர் பக்கத்தில் ஷேர் செய்திருக்கும் ராணா, இப்போது அதிகாரப்பூர்வமாகிவிட்டது என தெரிவித்துள்ளார். அந்த போட்டோவில் ராணா பட்டு வேஷ்ட்டி சட்டையிலும் மிஹீகா பட்டுப்புடவையிலும் அசத்தலாய் உள்ளனர்.

சிவகார்த்திகேயன் வாழ்த்து

இருவரும் சேரில் அமர்ந்திருப்பது போன்றும், மிஹீகாவை ராணா அணைத்து செல்வது போன்றும் உள்ளது. ராணாவின் இந்த பதிவை பார்த்து பிரபலங்கள் பலரும் அவருக்கு வாழ்த்துக்களை தெரிவித்துள்ளனர். நடிகர் சிவகார்த்திகேயன் வாழ்த்துகள் டீயர் பிரதர் என பதிவிட்டுள்ளார்.

ஜோடி பொருத்தம் சூப்பர்

நடிகர் சதீஷ், தெலுங்கு நடிகர் வருண் தேஜ் உள்ளிட்ட பலரும் டிவிட்டரில் வாழ்த்து தெரிவித்துள்ளனர். இதேபோல் இன்ஸ்டாகிராமிலும், டிடி, ஷ்ரேயா ஸ்ரீநாத், சனம் ஷெட்டி உள்ளிட்ட பலரும் ஜோடி பொருத்தம் சூப்பர் என தெரிவித்து வருகின்றனர். ராணா மற்றும் மிஹீகாவின் நிச்சயதார்த்த போட்டோக்கள் இணையத்தை கலக்கி வருகிறது.