பப்ளிக்கில் நாகர்ஜுனா, ராஜமெளலி காலில் விழுந்த ரன்பீர் கபூர்

காலில் விழுந்த ரன்பீர் கபூர்

ப்ரொமோஷன் நிகழ்ச்சிக்கு வந்த ரன்பீர் கபூர், நிகழ்ச்சி நடக்கும் இடத்திற்கு வந்த போது அங்கு நின்ற நாகர்ஜுனா காலில் விழுந்து வணங்கினார். நாகர்ஜுனா அவரை கட்டிப்பிடித்து பேசிக் கொண்டிருக்கும் போதே அங்கு வந்த ராஜமெளலியை பார்த்ததும் அவர் காலிலும் விழுந்தார் ரன்பீர் கபூர்.

என்ன ஒரு மரியாதை

பொது இடம் என்றும் பார்க்காமல் பலரும் கூடி இருக்கும் இடத்தில் ரன்பீர் கபூர், தான் பெரிய ஸ்டார் என்ற ஈகோ இல்லாமல் பட்டென மரியாதையாக சீனியர்கள் காலில் விழுந்த வீடியோ சோஷியல் மீடியாவில் பரவி, பாராட்டுக்களை பெற்றுள்ளது. இந்த 3 பிரபலங்களுக்கும் கேரள பாரம்பரிய முறைப்படி செண்டை மேளம் முழங்க வரவேற்பு அளிக்கப்பட்டது.

தலைவாழை விருந்து

இந்த ப்ரொமோஷன் நிகழ்ச்சிக்கு முன் ரன்பீர், நாகர்ஜுனா, ராஜமெளலி மூவரும் தலைவாழை இலை போட்டு தமிழக பாரம்பரிய உணவு வகைகளை ரசித்து சாப்பிட்டுள்ளனர். இவர்கள் ஒன்றாக சாப்பிட்ட போட்டோக்கள் சோஷியல் மீடியாவில் அதிகம் பகிரப்பட்டு வருகிறது. ஒவ்வொரு உணவு வகையையும் கேட்டு வாங்கி, ரன்பீர் சாப்பிட்ட காட்சிகள் பலரையும் கவர்ந்துள்ளது.

பிரம்மாஸ்திராவை எதிர்பார்க்கும் பாலிவுட்

தொடர்ந்து ரசிகர்களிடமும் ரன்பீர் கபூர் கலந்துரையாடினார். 20 ஆண்டுகளுக்கு பிறகு இந்தியில் நாகர்ஜுனா நடித்துள்ள படம் என்பதால் தெலுங்கு ரசிகர்களிடமும் இந்த படம் மீதான எதிர்பார்ப்பு அதிகமாக காணப்படுகிறது. பிரம்மாஸ்திரா படம் பாலிவுட்டில் மிகப் பெரிய மாற்றத்தை ஏற்படுத்தும் என எதிர்பார்க்கப்படுகிறது. தொடர் தோல்விகளுக்கு பதிலடியாக 2022ல் மிகப் பெரிய வெற்றியை இந்த படம் பெறும் என எதிர்பார்க்கப்படுகிறது.