twitter
    For Quick Alerts
    ALLOW NOTIFICATIONS  
    For Daily Alerts

    ரங்கா... திரில்லர் மூவி மூலம் ரசிகர்களை மிரள வைக்க வருகிறார் சிபிராஜ்

    |

    சென்னை: சிபிராஜ் நடிப்பில் உருவான அதிரடி திரில்லர் படமான ரங்கா படத்தின் ட்ரைலர் வெளியீட்டு விழா நேற்று நடைபெற்றது. இதன் ஆடியோ வெளியீட்டு விழா விரைவில் நடைபெறும் என்று படக்குழு தெரிவித்துள்ளது

    கடந்த 1982ஆம் ஆண்டில் சூப்பர்ஸ்டார் ரஜினிகாந்த், ராதிகா இணைந்து அதிரடி மற்றும் காமெடியில் கலக்கிய படம் ரங்கா. வசூலிலும் சாதனை படைத்த படம். தற்போது அதே தலைப்பில் சிபிராஜ் நடிப்பில் திரில்லர் படமாக உருவாகியுள்ளது.

    Ranga Movie Trailer released

    குசும்பு என்றாலே அது நம்ம சத்யராஜ் தான். அவரின் வாரிசு என்றால் சும்மாவா. அவர் எட்டடி பாய்ந்தால் அவருடைய வாரிசு சிபிராஜ் பதினாறு அடி பாய்கிறார். பிரதீப் க்ரிஷ்ணமூர்த்தி தயாரிப்பில் 2017ஆம் ஆண்டு வெளியான மர்ம திரில்லர் சத்யா படத்திற்கு பிறகு நடித்திருக்கும் திரில்லர் படம் ரங்கா. படத்தின் டைட்டில் கேட்டவுடனேயே நம் நினைவுக்கு வருவது சூப்பர் ஸ்டார் நடித்த ரங்கா படம் தான்.

    பாஸ் மூவிஸ் சார்பில் விஜய்.கே.செல்லய்யா தயாரிப்பில் இப்படத்தை இயக்கியுள்ளார் வினோத். D.L.ராம் ஜீவன் இசையமைத்துள்ள இப்படத்தில் சிபிராஜுக்கு ஜோடியாக, நிகிலா விமல் நடிக்கிறார். சதீஷ் முக்கிய கதாபாத்திரத்தில் நடித்துள்ளனர்.

    இப்படத்தின் ட்ரைலர் நேற்று வெளியிடப்பட்டுள்ளது. ட்ரைலர் முழுவதும் குளுமையான இருட்டு பிரதேசமாக காணப்படுகிறது. படத்தின் காட்சிகள் பொள்ளாச்சி, காஷ்மீர் உள்ளிட்ட இடங்களில் படமாக்கப்பட்டுள்ளது. இப்படம் சிபிராஜுக்கு ஒரு வெற்றிப்படமாக அமையும் என்று எதிர்பார்க்கிறார்.

    ட்ரைலர் பார்க்கும் போதே மிகவும் த்ரில்லிங் ஆக இருக்கிறது என்றால், படம் எப்படி இருக்கும் என்ற ஆர்வம் ரசிகர்களிடையே எழுந்துள்ளது. த்ரில்லர் படம் என்றாலே ரசிகர்களுக்கு ஒரு பெரிய எதிர்பார்ப்பு இருக்கும். அந்த ஆவல் இந்த படத்திற்கும் இருக்கிறது. இப்படத்தில் ஆடியோ வெளியிட்டு விழா மிக விரைவில் அறிவிக்கப்படும் என்றுள்ளார் படக்குழுவினர். அதுவரை பொறுத்திருப்போம்.

    English summary
    The trailer launch of the action thriller Ranga, starring Sibiraj, was held yesterday. The audio launch will be held soon, the film crew said.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X