ரஸ்னா விளம்பரத்தில் நடிச்ச குட்டிப் பொண்ணு இப்போ அம்மாவாகிட்டாங்க!

ரஸ்னா விளம்பரம்

'ரஸ்னா' குளிர்பான விளம்பரத்தின் மூலம் புகழ்பெற்றவர் அங்கிதா ஜவேரி. திரைப்படங்களைப் போல சில தொலைக்காட்சி விளம்பரங்கள் நம் மனதை விட்டு அகலாது. அப்படி பலருக்கு விருப்பமாக இருந்த 'ரஸ்னா' விளம்பரத்தில் நடித்த குட்டிப்பொண்ணு இவர்தான்.

லண்டன் ஹீரோயின்

தெலுங்கு, கன்னட படங்களில் நடித்தவர் சுந்தர்.சி இயக்கிய 'லண்டன்' திரைப்படத்தின் மூலம் தமிழுக்கு வந்தார். அதில் பிரசாந்த் ஜோடியாக நடித்தார். அதன்பிறகு 'தகதிமிதா', 'திரு ரங்கா' உள்ளிட்ட சில படங்களில் நடித்தார்.

ஜூனியர் என்.டி.ஆருடன்

தெலுங்கில் ராஜமௌலி இயக்கிய 'சிம்ஹாத்ரி' படத்தில் ஜூனியர் என்.டி.ஆருடன் இணைந்து நடித்தார். ஒரு கட்டத்தில் நடிக்க வாய்ப்பு குறைந்ததும் சில படங்களில் ஒரு பாடலுக்கு மட்டும் ஆடினார்.

தொழிலதிபரை மணந்தார்

கடந்த ஆண்டு விஷால் ஜெகதாப் என்ற தொழிலதிபரை காதலித்து திருமணம் செய்துகொண்டு குடும்ப வாழ்க்கையில் செட்டிலானார். தற்போது ஐதராபாத்தில் வசித்து வரும் அங்கிதா ஒரு ஆண் குழந்தைக்கு அம்மாவாகி உள்ளார்.