ரெய்டு வந்தாலும் சரி.. ரெய்டு போனாலும் சரி.. தளபதி தான் கில்லி.. மேடையை தெறிக்கவிட்ட ரத்னகுமார்!

அப்டேட் கிங்

லோகேஷ் கனகராஜ் இயக்கத்தில் தளபதி விஜய் நடிப்பில் உருவாகி உள்ள மாஸ்டர் படத்தின் ஒவ்வொரு அப்டேட் வருவதற்கு முன்னதாகவும் தளபதி ரசிகர்களுக்கு சிக்னல் கொடுத்து வரும் வேலையை இதுவரை கச்சிதமாக செய்து வருகிறார் ரத்னகுமார். இவரும் சாந்தனுவும் இணைந்து சமூக வலைதளங்களில் அடிக்கின்ற லூட்டிக்கு அளவே இல்லை.

தளபதி கில்லி

மாஸ்டர் படத்தின் ஷூட்டிங்கில் இருந்து நடிகர் விஜய்யை வருமான வரித்துறை அதிகாரிகள் அழைத்துச் சென்று சோதனை நடத்தியது. அவரது ரசிகர்களை மட்டுமின்றி மாஸ்டர் படக்குழுவையும் வெகுவாக பாதித்தது. இந்நிலையில், தற்போது பேசிய ரத்னகுமார், "ரெய்டு வந்தாலும் சரி.. ரெய்டு போனாலும் சரி தளபதி விஜய் கில்லி பிளேயர்" அவர் தான் ஜெயிப்பார் என அரங்கத்தை அலறவிட்டுள்ளார்.

ரொம்ப கஷ்டமான வேலை

மாஸ்டர் படத்துக்கு வேலை செய்ய வந்ததை நினைத்து சந்தோசப்பட்டுக் கொண்டு இருந்த எனக்கு, நண்பன் லோகேஷ் கனகராஜ், கொடுத்த ஒரே ஒரு வேலை தான் ரொம்ப ரொம்ப கஷ்டமா இருந்தது. அது என்னன்னா தளபதி ரசிகர்களை கன்ட்ரோல் பண்ணும் வேலை. சமூக வலைதளங்களில் தீயாய் இருக்கும் அவர்களை கன்ட்ரோல் பண்ணுவது ரொம்ப கஷ்டம் என கலகலப்பாக பேசினார்.

அண்ணன் தான் ஜெயிப்பாரு

மாஸ்டர் படத்திற்கு எழுத்து பணிகளில் பணிபுரிந்த பொன் பார்த்திபன் பேசும் போது, ரெய்டு வந்தாலும் சரி, ரெய்டு போனாலும் சரி அண்ணன் தான் ஜெயிப்பாரு என ஆக்ரோஷமாக பேசி, தளபதி விஜய் அந்த ரெய்டு பத்தி அப்படி என்னதான் பேசப் போகிறார் என்ற ஹைப்பை சரியான அளவில் பேசி அசத்தினர். அர்ஜுன் தாஸ், கவுரி கிஷன் உள்ளிட்ட பலரும் மாஸ்டர் அனுபவங்களை பகிர்ந்து கொண்டனர்.