For Quick Alerts
    ALLOW NOTIFICATIONS  
    For Daily Alerts

    லாஸ் ஏஞ்சல்ஸ் திரைப்பட விழாவில் ராட்சசனுக்கு இரண்டு விருதுகள் - கொண்டாடும் படக்குழு

    |
    விஷ்ணு விஷால் 'ராட்சசன்' விமர்சனம் | Ratchasan movie review

    சென்னை: ராட்சசன் படத்திற்கு லாஸ் ஏஞ்சல்ஸ் திரைப்பட விழாவில் இரட்டை விருது கிடைத்துள்ளது. இந்த விருது இயக்குநர், இசையமைப்பாளர்,நடிகர், நடிகையர்களை மகிழ்ச்சியில் ஆழ்த்தியுள்ளது. இரட்டை விருது கிடைத்து பற்றி மகிழ்ச்சியுடன் குறிப்பிட்ட இயக்குநர் ராம்குமார் இது எனக்கு மட்டும் சொந்தமானதல்ல, படத்தில் உழைத்த அத்தனை பேரும் படத்தின் தரத்தை உயர்த்த பெரும் உழைப்பை தந்துள்ளார்கள். அவர்களுக்கு இந்த வெற்றியில் பெரும் பங்குண்டு என்று தெரிவித்துள்ளார்.

    விஷ்ணு விஷால், அமாலா பால் நடிப்பில் கடந்தாண்டு வெளியான ராட்சசன் திரைப்படம் விமர்சகர்கள், ரசிகர்கள் என அனைவரின் பராட்டையும் பெற்று, கோலிவுட் மட்டுமின்றி, இந்தியத் திரையுலகமே திரும்பி பார்க்கும் பிரமாண்ட வெற்றியை பெற்றது.

    Ratsasan Movie got double award in Los Angeles Film Festival

    இந்திய மொழிகளில் மீண்டும் ரீமேக்காக உருவாகி வரும் இப்படம் தற்போது உலகளவிலான கவனத்தையும் பாராட்டையும் பெற்றிருக்கிறது. லாஸ் ஏஞ்சலஸ் நகரில் நடைபெற்ற திரைப்பட விருது விழாவில் (LATCHA) சிறந்த ஆக்ஷன் திரைப்பட விருதையும், சிறந்த இசைக்கான விருதையும் பெற்றிருக்கிறது.

    ஆக்ஸஸ் ஃபிலிம் ஃபேக்டரி தயாரிப்பாளர் G.டில்லி பாபு ராட்சசன் திரைப்படம் படைத்திருக்கும் இந்த சாதனை பற்றி தெரிவிக்கும்போது, ராட்சசன் படம் செய்திருக்கும் இந்தச் சாதனை மொத்தப் படக்குழுவையும் மிகுந்த மகிழ்ச்சியில் ஆழ்த்தியுள்ளது.

    Ratsasan Movie got double award in Los Angeles Film Festival

    இந்த பாராட்டு படத்தில் பங்கேற்று உழைத்த அத்தனை நடிகர் நடிகைகள் மற்றும் தொழில்நுட்ப கலைஞர்களையே சாரும். ராட்சசன் படத்தின் உருவாக்கத்தின் போதே, இப்படம் இத்தகைய சாதனைக்குரியது என்பது வெட்ட வெளிச்சமாக தெரிந்தது.

    ஒரு தமிழ்ப்படம் உலகின் மதிப்புமிக்க லாஸ் ஏஞ்சல்ஸ் திரைப்பட விழாவில் விருது பெற்றிருப்பது மிகவும் பெருமைமிக்கது. இன்னும் இது போன்ற சிறந்த படைப்புகளை வழங்க இவ்விருது எனக்கு மிகப்பெரிய ஊக்கம் தந்துள்ளது. என்று குறிப்பிட்டார்.

    விருது வென்றுள்ள இசையமைப்பாளர் ஜிப்ரான் கூறும்போது, இந்த கவுரவம் எனது இயக்குநர் ராம்குமாருக்கும் தயாரிப்பாளர் டில்லி பாபுவுக்கும் மற்றும் என் மீது நிபந்தனையற்ற அனபும் நம்பிக்கையும் கொண்ட அத்தனை பேருக்கும் உரியது.

    சாஹோ வெற்றி... மாற்றி யோசித்த மகேஷ்பாபு...இனி மெகாபட்ஜெட் படம்தானாம்சாஹோ வெற்றி... மாற்றி யோசித்த மகேஷ்பாபு...இனி மெகாபட்ஜெட் படம்தானாம்

    இந்த வெற்றியானது கொண்டாட்டத்தை விட, அதீதமான பொறுப்புணர்வை தந்துள்ளது. இனி எனது இசைப்பயணத்தை மிகுந்த கவனமுடன் ராட்சசன் படத்தினை போன்ற வெற்றிப் பாதையில் அமைத்துக்கொள்ள இவ்விருது உத்வேகம் தந்திருக்கிறது. என்றார்.

    இயக்குநர் ராம்குமார் கூறும்போது, உலகளவிலான அங்கீகாரம் ராட்சசன் படத்திற்கு கிடைத்திருப்பது மிகுந்த மரியாதைக்குரியது. இது எனக்கு மட்டும் சொந்தமானதல்ல, படத்தில் உழைத்த அத்தனை பேரும் படத்தின் தரத்தை உயர்த்த பெரும் உழைப்பை தந்துள்ளார்கள். அவர்களுக்கு இந்த வெற்றியில் பெரும் பங்குண்டு. இசையமைப்பாளர் ஜிப்ரானுக்கு உரிய அங்கீகாரம் கிடைத்திருப்பதில் மேலும் பெருமை கொள்கிறேன் என்றார்.

    English summary
    Director Ram Kumar was delighted to receive a double award at the Los Angeles Film Festival for 'Ratsasan', which is not just my own, but all the people who worked on the film worked hard to improve the quality of the film. He said that they had a big part in this victory.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X